Daniela Campuzano Chávez Pion ye una deportista mexicana dedicada al ciclismu de monte. Represento a Méxicu per vegada primera nunos Xuegos Olímpicos en cross country nos Xuegos Olímpicos de Rio de Janeiro 2016. Tamién va ser quien porte la bandera mexicana na ceremonia d'apertura de los xuegos de 2016 mientres el Desfile de Naciones.
Vida personal Campuzano nació'l 21 d'ochobre de 1986 na Ciudá de Méxicu, Méxicu., pero camudóse llueu a Tulancingo, Hidalgo, onde vivió'l restu de la so vida. Tien un grau universitariu en bioloxía pola Universidá Autónoma del Estáu d'Hidalgo.
Carrera como ciclista Campuzano empezó la so carrera como ciclista de monte en 1998.
Nos Xuegos Panamericanos de 2011 en Guadalajara, Jalisco, Méxicu, remató en novena posición na competencia de cross country pa muyeres.
Nel Campeonatu Panamericanu de Ciclismu de monte de 2013 celebráu en Puebla, Méxicu, ganó la medaya d'oru. Nos Xuegos Centroamericanos y del Caribe de 2014 de Veracruz ganó la medaya d'oru nun tiempu d'una hora 23 minutos y 30 segundos. Ganó otra medaya d'oru nel Campeonatu Panamericanu de Ciclismu de monte de 2014 en Brasil. Nel Campeonatu Mundial UCI de Ciclismu de 2014 celebráu en Lillehammer, Noruega terminó en 14ᵘ llugar en cross country pa muyeres.
Nel Campeonatu Panamericanu de Ciclismu de monte de 2015 volvió ganar la medaya d'oru, esta vegada celebráu en Cota, Colombia, ganando d'esta manera la so calificación pa los Xuegos Olímpicos de 2016. Depués compitió nos sos segundos Xuegos Panamericanos de 2015, celebraos en Toronto, rematando en cuartu llugar, quedando fuera del podiu.
Na Copa Mundial de Ciclismu de Monte de UCI terminó nel llugar 16ᵘ nel eventu entamáu en La Bresse, Francia, nun tiempu d'una hora 34 minutos y 23 segundos.
En mayu de 2016 Mario Garcia de la Torre, xefe de la delegación mexicana, anunció que Campuzano va llevar la bandera mexicana mientres el Desfile de Naciones na ceremonia d'apertura. Ella va competir na prueba de cross-country paras muyeres el 20 d'agostu, siendo con ello la primer muyer ciclista de monte que va representar nesi deporta y Méxicu nos Xuegos Olímpicos, nos que quedó 16a.
Referencies
Categoría:Ciclistes de Méxicu Categoría:Deportistes de Méxicu Categoría:Deportistes nos Xuegos Olímpicos de Rio de Janeiro 2016 Categoría:Abanderaos olímpicos de Méxicu Categoría:Persones de Ciudá de Méxicu