Daniela Ospina Ramírez ye una xugadora profesional de voleibol y empresaria colombiana. Xugaba pal equipu VP Madrid.
Biografía Daniela Ospina Ramírez nació'l 22 de setiembre de 1992 en Itagüí, Antioquia, Colombia. Debutó como xugadora nel Itagüí Voleibol Club. Darréu xugó nel Sabaneta Voleibol Club, el Club Leca de Portugal y na actualidá xuega nel equipu Voley Playa Madrid. Fixo parte de les Seleiciones Antioquia y Selección Colombia de Voleibol.
Nel 2016 debutó nel modelaje faciendo campañes pa la marca de ropa deportivo BrandFit Colombia y tamién pa la marca de jeans de Colombia, Joy Staz Jeans, nesta foi imaxe principal. Hai de solliñar que fizo semeyes pa la marca de maquillaxe Nacar Make-Up, na cual foi imaxe cola presentadora de la canal colombiana Caracol TV, Vanessa Peláez.
Nesti mesmu añu participó nel programa de televisión Baillando coles Estrelles producíu pola canal colombianu RCN Televisión, ellí duró un mes y foi la quinta esaniciada. Daniela ye graduada n'Alministración d'Empreses, carrera qu'escoyó pa la so vida y que la tien llograda dende'l 6 d'abril de 2016, la so alma máter ye la Institución Universitaria Politéunicu Grancolombiano.
Nel añu 2017, Daniela llanzó la so propia llinia de ropa deportivo llamada Danfive.
Vida personal Daniela ye la hermana menor de David Ospina, arqueru del Arsenal y de la Selección Colombia y exesposa del tamién xugador de la Selección de Colombia y del Bayern München, James Rodríguez, con quien se casó'l 24 d'avientu de 2010. Tienen una fía xuntos, llamada Salomé Rodríguez Ospina, nacida'l 29 de mayu de 2013. La pareya anunció la so separación el 27 de xunetu del 2017 tres 6 años de matrimoniu.
Anguaño mora en Medellín xunto a la so fía, onde tien nuevos proyeutos de moda.
Equipos Itagüí Voleibol Club Sabaneta Voleibol Club Leca de Portugal VP Madrid
Palmarés Equipu Competencia País Añu Itagüí Voleibol Club Lliga de Voleibol d'Antioquia Colombia 2007 Sabaneta Voleibol Club Lliga de Voleibol d'Antioquia Colombia 2009 Selección Antioquia Campeonatu Nacional Xuvenil Colombia 2010 VP Madrid Superliga Femenina 2 España 2015
Ver tamién Colombia Antioquia Federación Colombiana de Voleibol Selección femenina de voleibol de Colombia Superliga Femenina de Voleibol d'España
Referencies
Enllaces esternos
SuperLiga de Voleibol d'España
Categoría:Deportistes de Colombia Categoría:Modelos de Colombia Categoría:Empresarios y empresaries de Colombia