Dainik Jagran (Hindi: दैनिक जागरण) ye un periódicu de la India. Ye'l más lleíu en idioma hindi y unu de los más lleíos de la India y el mundu, con una circulación diaria envalorada en 17 millones d'exemplares y 56 millones de llectores.mundu-escribir en-hindi "El periódicu más lleíu del mundu escribir n'hindi" Públicu.es - Fecha: 09/12/2009 Tien 37 ediciones rexonales y el so nome significa n'hindi "l'alerta diario"."La India, un oasis en metá de la crisis" Diariu El Mundo (España) - Fecha: 14/12/2009
Historia y espansión
El periódicu foi fundáu en 1942 por Purachandra Gupta. Jagran - About UsLos sos primeros exemplares circularon na ciudá de Jhansi (estáu d'Uttar Pradesh). Pasu ente pasu foi ampliando les sos ediciones a otres ciudaes como Kanpur (Uttar Pradesh) en 1947 y Rewa y Bhopal (Madhya Pradesh) en 1953 y 1956 respeutivamente. Nuna segunda etapa de crecedera, el periódicu llanzó nueves ediciones rexonales en Uttar Pradesh nes ciudaes de Gorakhpur (1975), Varanasi, Allahabad y Lucknow (1979). Na década de 1980 empezaron a publicar les ediciones de Meerut (1984), Agra (1986) y Bareilly (1989).
Década de 1990-presente
En 1990, Dainik Jagran llanzó la edición llocal de Nueva Delhi. Ente 1997 y 2011, nuna nueva fase d'espansión, llanzáronse nueves ediciones rexonales en ciudaes de 11 estaos, incluyendo -amás de Uttar Pradesh y Madhya Pradesh- los de Jharkhand, Uttarakhand, Punjab, Haryana, Bihar, Himachal Pradesh, West Bengal y Jammu-Kashmir.
Ver tamién
Eenadu The Times of India Dainik Bhaskar
Referencies
Enllaces esternos Dainik Jagran web
Categoría:Periódicos de la India Categoría:Periódicos n'hindi