El vientu ye un movimientu natural, xeneralmente horizontal de mases d'aire.
Los desequillibrios térmicos entre unos llugares y otros prevoquen diferencies de Presión atmosférica, que son les que prevoquen los vientos.
Asina, desencadénase un fluxu d'aire dende les presiones altes haza les baxes, con tendencia a siguir la direición del cambéu o gradiente de presión. Los gradientes fuertes de presión, que se representen nos mapes con isobares mui xuntes, dan llugar a vientos fuertes, metantu que ellí onde'l el cambéu de presión ye pequeñu, y polo tanto les isobares amuésense mui allonxaes ente elles, los vientos son febles.
L'instrumentu pa midir la direición y velocidá del vientu tien el nome d'anemómetru.
Menes de vientos Direición Según la direición del vientu, n'Asturies tenemos: thumb|300px|Nomes de los vientos según la so direición. Foranu (o nortizu), vientu del norte (N). Nordés, vientu del Nordeste (NE). Escariu (o l'estazu), vientu del este (E). Si ye fuerte denómase escarión. Escuernacabres, vientu del sureste (SE). Arcia (o l'ábrigu), vientu del sur (S). al Xove, vientu del suroeste (SO). Caín (o gallegu), vientu del oeste (O). Calambrión, vientu del noroeste (NO).
Fuercia Dependiendo de la so fuercia, tenemos: l'otanu que ye abondo fuerte, o... l'oral que ye suave o sonce.
Temperatura Tamién según la temperatura: el carbesu; cutu, fríu. l'albadíu; templáu. el soriu; calecíu.
Continuidá Cuando'l vientu tira a intervalos, dicimos que tiren rabaseres d'aire. Un refellón, ye una rabasera curtia o intensa d'aire.
Referencies
Enllaces esternos