El No Wave tuvo un curtiu periodu de vida pero influyente del punk rock centráu en Nueva York mientres los postreros 70s y tempranos 80s. El términu No Wave foi en parte un xuegu de pallabres satíricu, refugando los elementos comerciales del entós popular xéneru New Wave, y tamién una declaración de la naturaleza esperimental de la música: la música de la No Wave nun pertenecía a nengún estilu o xéneru fixu.
De distintes maneres, la No Wave nun ye un xéneru musical claramente definíu. Nun hai, por casu, una harmonía fixa como na mayoría del rock y el blues. Hai dellos elementos comunes a tolos artistes, incluyendo soníos atonales abrasivos, fuerte énfasis en ritmos repitíos, y más énfasis nel humor y la testura que na melodía convencional. Les lletres suelen tratar sobre nihilismu y confrontación ("Little orphans running through the bloody snow/ No more ankles and no more clothes" - Teenage Jesus & the Jerks), o yeren puzzles astractos ("Why be ashamed of hatred/ There's nothing wrong with burning" - Swans).
La No Wave tamién dibuxó un arte escénico. DNA, por casu, foi formáu por trés persones con poco o nenguna esperiencia tocando preseos o actuando en direuto. Sicasí, tocaben los cantares usando métodos propios, DNA rápido utilizó la so “inxenuidá” y tocaron llamativos soníos únicos.
Los artistes clasificaos como No Wave, xeneralmente tuvieron poca semeyanza musical ente ellos: Los grupos trabayaron en distintos estilos, tales como funk y jazz (James Chance), blues, música aleatoria y punk rock. Mars, Swans y The Static (Glenn Branca) esperimentaron con ruíu estremo, la música droning que taba carauterizada por repetitivos drumbeats y lletres explícitamente nihilistes y Guitarra de tres puente.
La No Wave tuvo un importante impautu en bandes de noise ya industrial que se formaron dempués, como Big Black, Lev Six, Helmet y Live Skull. Sonic Youth remaneció d'esta escena creando música-como-arte que foi aclamada tantu pol públicu como pola crítica.
L'álbum Non New York, “producíu” por Brian Eno, ye'l meyor exemplu d'esti xéneru, con cantares de Mars, Teenage Jesús & The Jerks, DNA y James Chance.
Simon Reynolds, autor de Rip it up and start again: Postpunk 1978-1984, escribió:
Tamién mientres esti tiempu hubo un periodu de No Wave Cinema, que foi un movimientu de películes underground en East Village. Los cineastes de la No Wave fueron: Amos Poe, John Lurie, Manuel_de_Landa, Scott B y Beth B, conduciendo al cine de la transgresión y el trabayu por Nick Zedd y Richard Kern.
Los últimos biltos d'esti movimientu incluyeron grupos como Skeleton Key, Cop Shoot Cop, VPN y otros.
Artistes de la No Wave Ghostyard the Bloods Red Transistor Swans Von Lmo Bush Tetras The Contortions DNA Del-Byzanteens James Chance Lydia Lunch Mars Rosa Yemen (duo) / Lizzy Mercier Descloux Sonic Youth Teenage Jesus & the Jerks Come On Ut Friction Y Pants Dark Day The Static Theoretical Girls Glenn Branca 8-Eyed Spy Rhys Chatham Sick Dick and the Volkswagens Ambitious Lovers Golden Palominos John Lurie and The Lounge Lizards Monitor Tomek Lamprecht Adele Bertei Beirut Slump The Raybeats James White and the Blacks Ginger Lee Kristian Hoffman ESG Sr.Elegante 3 Teens kill 4
Ver tamién No Wave Cinema Art Rock Glenn Branca New Wave Post Punk Punk Rock Guitarra de tres puente Guitarra preparada Post Noise
Documental Kill Your Idols, Scott Crary, 2004
Referencies
Enllaces esternos
No Wave at AllMusicGuide
Categoría:Subxéneros del punk Categoría:Subxéneros del rock Categoría:Noise