Carmen Cayetana Ordóñez González , más conocida como Carmina Ordóñez, foi una muyer protagonista de la prensa del corazón española.
Biografía Perteneciente a una familia de célebres toreros, Carmen nació en Madrid el 2 de mayu de 1955. Yera fía del toreru Antonio Ordóñez y de Carmen González Lucas "Carmina Dominguín" (Madrid, 1928 - Madrid, agostu de 1982). Ñeta de los reconocíos toreros Cayetano Ordóñez "Niño de la Palma" y Domingo Dominguín y sobrina de Luis Miguel Dominguín. Tenía una hermana menor, Ana Belén Ordóñez González (Belén Ordóñez) (29 de xunu de 1956 - 2 d'agostu de 2012). La so infancia desenvolvióse nun ambiente marcadamente andaluz y taurín, yá que con frecuencia acompañaba al so padre (que la llamaba "Carmuca") tanto a les preparaciones del toreru como a les corríes.
Foi nuna d'estes corríes onde conoció al que foi'l so primer home, el toreru Francisco Rivera Paquirri, col que casóse'l 16 de febreru de 1973 na basílica de San Francisco'l Grande y col que tuvo dos fíos: Francisco Rivera Ordóñez y Cayetano Rivera Ordóñez, dambos toreros d'oficiu. Entós daquella, yá yera habitual ver a Carmen nes revistes del corazón.
Nel añu 1979 separtóse de Paquirri y el so matrimoniu foi declaráu nulu. Años dempués conoció al cantautor Julián Contreras Rodríguez, col que casóse en Miami en 1984. El 14 de xineru de 1986, frutu d'esta rellación nació'l so tercer y últimu fíu, Julián Contreras Ordóñez.
Tres la muerte del toreru Francisco Rivera "Paquirri", Carmen engardióse nuna batalla llegal escontra la segunda esposa del so ex home, Isabel Pantoja, cola que s'enfrentó pol heriedu del matador. Hasta la data de la so muerte, Carmen Ordóñez siempres caltuvo que la tonadillera llevóse más de lo que supuestamente-y correspondía. Ente los artículos que se disputaba cola tonadillera taba'l traxe de lluces col que Paquirri tomara l'alternativa y numberosos oxetos personales que correspondíen a los sos dos fíos mayores, y qu'entá nun-yos fueran apurríos a pesar de les demandes interpuestes.
En 1990, Carmen decidió treslladase a vivir col so segundu home y el so tercer fíu a Marrakech, Marruecos, llugar que lu marcó dende neña y del que siempres se sintió namorada. Sicasí, en 1994 llogró'l divorcióse de Julián Contreras y decidió volver instalase n'España.
En 1997, Carmen casóse col so tercer y últimu home, el baillarín Ernesto Neyra Almodóvar, del que se dixebraría dos años dempués. Dos años enantes de morrer, en 2002, Carmen afirmó sufrir Violencia de xéneru y malos tratos per parte de Neyra, acusación qu'él siempres negó y la demanda foi tornada pol xuez.
Tien dos ñetes del so fíu Fran Rivera; la primera, frutu del so matrimoniu con Eugenia Martínez de Irujo, llamada Cayetana Rivera Martínez De Irujo, y la segunda de la so actual muyer Lourdes Montes, que se llama Carmen Rivera Montes.
Trabayó en «A tu lado», de la cadena Telecinco.
Morrió en Madrid el 23 de xunetu de 2004, tres un accidente na bañera. Foi incinerada y les sos cenices espardiéronse n'El Rocío y en Tánxer.
Bibliografía
Referencies
Enllaces esternos
Categoría:Persones de Sevilla