L'Antiguu Exiptu foi una civilización que s'orixinó a lo llargo del calce mediu y baxu del ríu Nilu, y qu'algamó trés dómines de rellumu faraónicu nos periodos denominaos: Imperiu Antiguu, Imperiu Mediu y Imperiu Nuevuhttps://www.britannica.com/place/ancient-Egypt/The-Old-Kingdom-c-2575-c-2130-bce. Enanchábase dende'l delta del Nilu nel norte hasta Elefantina, na primer catarata del Nilu, nel sur, aportando a tener influyencia dende l'Éufrates hasta Jebel Barkal, na cuarta catarata del Nilu, en dómines de máximu espardimientuhttps://www.worldhistory.org/Ancient_Egypt/. El so territoriu tamién abarcó, en desemeyaos periodos, el desiertu oriental y la llinia costera del Mar Roxu, la península del Sinaí y un gran territoriu occidental dominando los esbillaos oasishttps://www.khanacademy.org/humanities/world-history/ancient-medieval/ancient-egypt/a/old-middle-and-new-kingdoms. Históricamente, foi dixebráu en: Altu y Baxu Exiptu, al sur y al norte, respeutivamentehttps://www.history.com/topics/ancient-history/ancient-egypt.
La civilización exipciana desendolcóse mientres más de 3000 años. Entamó cola xunificación de delles ciudaes del valle del Nilu alredor del 3150 e.C., y tiense convencionalmente por finada nel añu 31 e.C., cuando l'Imperiu romanu conquistó y asorbió l'Exiptu ptolemaicu, que desapaez como Estáuhttps://www.metmuseum.org/toah/hd/egpt/hd_egpt.htm. Esti asocedimientu nun representó'l primer periodu de dominación estranxera, pero foi'l qu'empobinó pa una tresformación adulces na vida política y relixosa del valle del Nilu, conseñando'l fin del desendolcu independiente de la so cultura. La so identidá cultural entamara a francese selemente tres les conquistes de los reis de Babilonia (sieglu VI e.C.) y Macedonia (sieglu IV e.C.), desapaeciendo la so relixón col arrivu del cristianismu, na dómina de Xustinianu I, cuando en 535 se prohibió'l cultu a la diosa Isis nel templu de Filehttps://www.worldhistory.org/Isis/.
Referencies
Enllaces esternos
Categoría:Historia d'África Categoría:Historia d'Exiptu