El ye una especie de mamíferu proboscídeu de la familia de los elefántidos que probablemente s'estinguió por cuenta de un ritmu de caza insostenible per parte del Homo sapiens. Cola so cubierta de llargo pelo enrevesoso, yera una especie afecha al clima estremu de la edá de xelu. Mammuthus primigenius tenía un tamañu similar al del elefante mediu actual ya inferior al elefante asiáticu. Atopáronse munchos güesos y caniles curvaos, según cuerpos enteros conxelaos, d'exemplares d'esta especie de mamut, en Siberia, les islles del Árticu y n'América del Norte. El primer espécime completu d'esti animal afayóse en 1806, cerca de la desaguada del ríu Lena, Siberia (Rusia).
Apaición miniaturadeimagen|Cadarma de mamut llanudu. miniaturadeimagen|Punta Clovis Los restos más antiguos daten posiblemente de fai 150.000 años y provienen de depósitos de la Glaciación Riss, en Eurasia. Descendía del mamut de la estepa (Mammuthus trogontherii).
Clasificación izquierda|miniaturadeimagen|Comparanza de Cuvier del quexal inferior d'un mamut llanudu y de un elefante asiáticu Foi'l naturalista francés Georges Cuvier quien en 1796 identificó per primer vegada los restos del mamut llanudu non como d'elefantes modernos tresportaos al Árticu, sinón como una especie dafechu distinta. Más significativamente, él afirmó qu'esta especie estinguiérase y yá nun esistía, un conceutu que nun yera llargamente aceptáu na so dómina.Cuvier, G. (1796). "Mémoire sur les épèces d'elephans tant vivantes que fossils, lu à la séance publique de l'Institut National le 15 germinal, an IV." Magasin encyclopédique, 2e anée, 3: 440-445. [en francés]. Siguiendo la identificación de Cuvier, Johann Friedrich Blumenbach dio-y al mamut llanudu'l nome científicu en 1799 d'Elephas primigenius (asitiándolu nel mesmu xéneru que l'elefante asiáticu). Nun foi sinón hasta 1828 que Joshua Brookes reconoció qu'esta especie yera lo bastante distinta como pa merecer un nuevu xéneru, reclasificándola como Mammuthus primigenius.
Evolución izquierda|miniaturadeimagen|Molar de Mammuthus primigenius de Bélxica Dao que se conocen munchos restos de les distintes especies de mamuts de distintos llugares, foi posible reconstruyir la historia evolutiva d'esti xéneru al traviés d'estudios morfolóxicos. Les especies de mamuts pueden ser identificaes pol númberu de cantos d'esmalte nos sos molares; les especies más primitives teníen pocos cantos, y la so cantidá amontábase gradualmente cuando les nueves especies evolucionaben y reemplazaben a les anteriores. Coles mesmes, les corones de los dientes tornábense más llargues, y los cranios facíense más altos de riba a embaxo y más curtios lateralmente p'afaer a estos dientes. Conócense individuos y poblaciones qu'amuesen carauterístiques morfolóxiques transicionales ente caúna de les especies, y que les especies primitives y avanzaes coesistíen hasta que les primeres sumieron. Les distintes especies y les sos formes intermedies pueden ser denominaes "cronoespecies". Propunxéronse tamién munches subespecies intermedies, pero la so validez ye incierta; estes pueden ser consideraes como formes primitives d'una especie derivada, o formes derivaes d'una especie primitiva.
Los primeros miembros conocíos del xéneru Mammuthus son les especies africanes Mammuthus subplanifrons del Pliocenu y Mammuthus africanavus del Pleistocenu. Camiéntase que la primera ye l'ancestru de les formes posteriores. Los mamuts aportaron a Europa fai cerca de 3 millones d'años, siendo'l so primer tipu conocíu'l denomináu Mammuthus rumanus, que s'estendió per Europa y China. Conócense solo los sos molares, qu'amuesen ente 8-10 cantos d'esmalte. Una población evolucionó ente 12-14 cantos y reemplazó al tipu anterior, derivando en Mammuthus meridionalis. De la mesma, esta especie foi reemplazada pel mamut d'estepa, Mammuthus trogontherii, con 18-20 cantos, qu'evolucionó n'Asia Oriental fai cerca de 1 millón d'años. Los mamuts que derivaron de M. trogontherii evolucionaron molares con 26 cantos fai 200.000 años en Siberia, y convirtiéronse nel mamut llanudu, M. primigenius. miniaturadeimagen|Retruque d'una cadarma entemedia ente M. trogontherii y M. primigenius El mamut colombín (Mammuthus columbi) tamién evolucionó d'una población de M. trogontherii el cual ingresara en Norteamérica. Un estudiu xenéticu de 2011 amosó que M. imperator taba agrupáu dientro d'un subcladu de mamuts lanudos. Esto suxer que dambes poblaciones s'entemecieron y produxeron descendencia fértil. Esto tamién suxer que la forma norteamericana conocida como "M. jeffersonii" pue ser un híbridu ente dambes especies. Adicionalmente, propunxéronse delles subespecies de M. primigenius como M. primigenius primigenius, M. primigenius jatzkovi y M. primigenius fraasi.I.V. Foronova, A.N. Zudin (2001). Discreteness of evolution and variability in mammoth lineage: method for group study. The World of Elephants - International Congress, Rome 2001 Les poblaciones de les islles St. Paul Island y Wrangel fueron consideraes primero como variedaes nanes, muncho menores que los mamuts llanudos continentales, inclusive la postrera foi descrita como una nueva subespecie, M. p. vrangeliensis; sicasí investigaciones detallaes amosaron qu'estos mamuts llanudos islleños nun yeren realmente nanos. Los mamuts de Wrangel tuvieron aisllaos por 5.000 años, pero solo esperimentaron una perda llindada de variación xenética.
La comunidá científica foi esitosa nel estudiu de la filoxeografía del mamut llanudu y determinar la secuencia completa del xenoma mitocondrial de Mammuthus primigenius. L'analís demuestra que la diverxencia del mamut llanudu, los elefantes africanos y l'elefante asiáticu asocedió nun curtiu periodu, y confirma que'l mamut taba más rellacionáu cola especie asiática que coles africanes. Una meyora importante nesta direición dase n'avientu de 2005, cuando un equipu d'investigadores d'Estaos Xuníos, alemanes y británicos fueron capaces d'axuntar un perfil d'ADN mitocondrial completu del mamut, lo cual dexó deliniar la cercana rellación evolutiva ente los mamuts y los elefantes asiáticos. Los elefantes africanos xebráronse del mamut llanudu fai cerca de 6 millones d'años, más o menos pola mesma dómina en que se produxo la separción evolutiva ente los chimpancés y los humanos. Enantes de la publicación del xenoma del Neandertal, munchos investigadores esperaben que'l primer xenoma nuclear totalmente secuenciáu d'una especie estinguida fuera'l del mamut. miniaturadeimagen|Seición d'un canil En payares de 2008, dos profesores de la Universidá Estatal de Pennsylvania – Stephan Schuster, profesor de bioquímica y bioloxía molecular, y Webb Miller, profesor de bioloxía y ciencia ya inxeniería computacional – reportaron que mapearan la mayor parte del ADN del mamut. La so investigación afayó qu'había dos grupos distintos de mamuts llanudu: unu que s'estinguió fai 45.000 años, y unu distintu que s'estinguiría alredor de fai 10.000 años. Especúlase qu'estos grupos son lo suficientemente diverxentes como para ser carauterizaos como subespecies. El grupu que s'estinguió enantes permaneció nel mediu del Árticu, ente que l'otru grupu tenía un rangu muncho más ampliu. La ponte de Beringia probablemente xugó un importante rol estructurando les poblaciones de mamuts, actuando como una barrera ecolóxica. Estudios recién d'isótopos estables de mamuts siberianos y del Nuevu Mundu amosaron que tamién había diferencies nes condiciones climátiques en dambos llaos de la ponte de Beringia, siendo Siberia más uniformemente fría y seca a lo llargo del Pleistocenu tardíu.
La so investigación tamién amuesa que l'ADN del mamut llanudu y el del elefante africanu son ente 98.55% a 99.4% idénticos.Metagenomics to paleogenomics: Large-scale sequencing of mammoth DNAWill findings recreate the woolly mammoth? , Pittsburgh Post-Gazette, November 20, 2008 Anque los autores almiten nun conocer el tamañu enteru del xenoma, calculen que secuenciaron cerca del 50% a partir de fragmentos aleatorios.Cosmos Online - Mammoth Genome Cracked: Key to Cloning? <https://web.archive.org/web/20120322012031/http://www.cosmosmagazine.com/news/2346/mammoth-genome-cracked-key-cloning> L'equipu mapeó la secuencia del xenoma nuclear del mamut estrayendo l'ADN de folículu de pelo d'un mamut de 20.000 años recuperáu del permafrost y d'otru mamut que morrió hai unos 60.000 años. Usar l'ADN del pelo evita los problemes de contaminación causaos por bacteries y hongos. Los folículos del pelo caltienen l'ADN por cuenta de la so proteición similar a la del plásticu qu'ufierta'l material capilar.
Carauterístiques El so nome provién de la so gruesa capa de pelo llanudo d'hasta 90 cm de llargu, dispuestu en forma similar al pelame del actual güe almizcleru. Baxo la piel tenía una capa de grasa de 8 a 10 cm d'espesura que fortalecía la so adautación al fríu. Les sos oreyes de 30 cm de llargor, yeren muncho más pequeñes que les de los elefantes actuales (les d'un elefante africanu algamen 180 cm). Presentaben una abombadura en forma de cúpula sobro'l craniu y una alta gorrumba sobro los costazos. Los machos adultos algamaben 2,80 a 3,40 m d'alzada y 6 tonelaes de pesu. Los caniles atopaos algamen hasta 4,2 m de llargor y 84 kg de pesu, pero en permediu tienen 2,5 m y 45 kg.
Los sos dientes taben afechos a les plantes de la tundra, pero habitaba tamién la estepa yerbosa y la presencia de cañes d'árboles nos estómagos de los exemplares atopaos, indica que tamién percorríen los montes.Claude Guérin, "Superordre des Proboscidiens"; Les grands mammifères plio-pléistocènes d'Europe, Masson, coll. Préhistoire, Paris, 1996.
Estinción La estinción del mamut llanudu ye posiblemente la meyor estudiada dientro del Eventu d'estinción del Cuaternariu que supunxo la estinción de dos tercios de tolos xéneros de mamíferos y la metá de la megafauna terrestre. La so estinción foi gradiada y produxóse miles d'años enantes nes árees continentales que nes islles, nun procesu llargu nel tiempu qu'empezó a finales del Pleistocenu y terminó bien entráu l'Holocenu, colos restos más recién de la especie dataos yá en tiempos históricos. El mamut llanudu esapaeció d'Europa escontra'l 10000 a. C., ente que nel sur de Siberia entá subsistía nel 8000 a. C..Anthony J. Stuart, Leopold D. Sulerzhitsky, Lyobov A. Orlova, Yaroslav V. Kuzmin and Adrian M. Lister: The latest woolly mammoths (Mammuthus primigenius Blumenbach) in Europe and Asia: a review of the current evidence Quaternary Science Reviews Volume 21, Issues 14-15, August 2002, Pages 1559-1569online La so estinción nes islles non colonizaes pol ser humanu producióse muncho más tarde: na isla de Saint Paul (Alaska) tuvo presente siquier hasta'l 6000 a. C. El postreru remanente conocíu d'esta especie sobrevivió na isla de Wrangel hasta aproximadamente 1700 a. C., más de 6000 años dempués de la so estinción nos continentes.
Los mamuts llanudos qu'aportaren a América del Norte per Beringia esapaecieron xunto al mamut colombín y la mayor parte de la megafauna norteamericana de la dómina ente'l final del Pleistocenu y l'entamu del Holocenu. Los restos de mamuts más recién que fueron dataos nel continente americanu tienen alredor de 11,000 años.
Estes estinciones encuádrense güei dientro del eventu d'estinción masiva del Cuaternariu, qu'afectó de forma casi esclusiva a la megafauna y empezó hai más de 40.000 años n'Oceanía, teniendo la so puxanza entre fai 14,000 a 11,500 años nel Holártico. Demientres esti periodu, decenes d'especies de grandes mamíferos esapaecieron de Eurasia y Norteamérica, casi toes con un pesu cimeru a los 40 kilogramos. La estinción de los mamuts llanudos nun puede, por tanto, esplicase aislladamente sinón como parte d'un procesu d'estinción masiva muncho mayor. izquierda|miniaturadeimagen|280x280px|Reconstrucción d'un mamut llanudu de Charles R. Knight.
Hipotésis sobro la estinción del mamut lanudo