thumb|"Tabla de la orina" de la dómina Medieval pal diagnósticu d'enfermedaes Rebecca Guarna, tamién conocida como Rebecca de Guarna o Rebeca de Guarna, (fl. sieglos XIII-XIV) foi una doctora, ciruxana, profesora y autora de testos médicos italiana, una de les poques muyeres de les que se conoz que practicaben la Medicina na Edá Media. Ignórense munchos datos de la so vida, sábese que yera miembru d'una reconocida familia salernitana, qu'amás de ser maestra de la Escuela de Medicina de Salerno yera una notable herborista y qu'escribió los trataos De Urinis, De febrius y De embrione. En De Urinis describe, ente otres coses, l'usu de muestres d'orina nel diagnósticu d'enfermedaes. El so trabayu foi mentáu na Collectio Salernitana.
Nel estudiu de Salvatore De Renzi sobre la Escuela de Medicina de Salerno realizáu nel sieglu XIX, Guarna ye una de les cuatro muyeres mentaes —xunto con Costanza Calienda, Abella y Mercuriade— que se sabe que practicaben medicina, impartíen conferencies sobre medicina y escribíen trataos.Green, Monica (iviernu de 1989). «Women's Medical Practice and Health Care in Medieval Europe». Signs 14(2): 453. Working Together in the Middle Ages: Perspectives on Women's Communities. Forma parte del grupu de muyeres conocíu como Mulieres Salernitanae, esto ye, Muyeres de Salerno.Oakes, Elizabeth H (2007). Encyclopedia of World Scientists. Nueva York: Infobase Publishing. ISBN 9781438118826
Referencies
Categoría:Médicos y médiques d'Italia
Categoría:Wikipedia:Mantenimientu:Persones ensin plantía nym