Celia Barquín Arozamena , foi una golfista amateur española, ganadora del Campeonatu Européu de Golf Femenín Amateur de 2018.
Biografía Nació en Puente San Miguel, Cantabria y educóse'n Torrelavega y llueu en Madrid. Pasó dos años nun programa na residencia Blume del Conseyu Superior de Deportes antes de treslladase a los Estaos Xuníos pa estudiar inxeniería civil na Universidá estatal de Iowa, onde foi miembru del equipu de golf femenín Iowa State Cyclones de 2014 a 2018, sindo nomada Deportista Femenina del Añu 2018 de la Iowa State University.
Participó cola seleición española nos Campeonatos Europeos de Golf Femenín por equipos de 2015 y 2016, onde l'equipu anabó nel tercer y segundu llugar respeutivamente. Ganó'l Campeonatu Européu de Golf Femenín Amateur de 2018 que tuvo llugar nel Penati Golf Resort d'Eslovaquia, acabando un golpe per delantre d'Esther Henseleit. Na tercer ronda, algamó un record del campu con 63 golpes. Calificose pal Abiertu Femenín de los EE.XX. de 2018, nel que nun pasó'l corte. En 2018, algamó la Fase II de la LPGA Q-School, que tien de xugase a mediaos d'ochobre. Igualmente, participó nos Xuegos Olímpicos de la Mocedá en 2014.
Muerte El 17 de setiembre de 2018 a les 10:24 a.m., el Departamentu de Policía d'Ames recibió una llamada tres lo que'l so cuerpu alcontróse ensin vida na pista del Coldwater Golf Links n'Ames, estáu d'Iowa. N'investigando'l casu, la policía determinó que foi asesinada. Un home de 22 años, más tarde reconocíu como Collin Daniel Richards, que tuviera viviendo nuna tienda de campaña cerca del campu de golf, foi acusáu del so asesinatu. L'home tien antecedentes penales según la policía de Iowa.
Homenaxes Barquín, la meyor golfista femenina de la historia de la Iowa State University, foi honrada'l sábadu, 22 de setiembre de 2018, nel Jack Trice Stadium n'Ames. A les 10:50 a.m. CDT (UTC−05:00), proyeutóse un videu d'homenaxe y tovo llugar un momentu de silenciu nel so honor antes del partíu de fútbol americanu Iowa State vs. Akron. Pídióse que los fans vistieran del so color favoritu, el mariellu. Amás, nel so honor, los dos equipos llevaron les sos iniciales, CBA, serigrafiaes nos cascos y la Iowa State University Cyclone Football Varsity Marching Band will formó un «CBA» demientres la so actuación. A títulu póstumu, Celia Barquín recibirá'l diploma d'inxeniería civil de la Iowa State University.
Antes de la so muerte, Barquín diba recibir el premiu a la deportista-estudiante femenina del añu de la Iowa State nel Jack Trice Stadium el 22 de setiembre de 2018.
Victories amateur 2011 Grand Prix de Chiberta 2012 Grand Prix de Chiberta 2013 Grand Prix de Chiberta, Campeonatu Excmu. Aytu. de Llanes 2014 Campeonatu del Principáu d'Asturies Absolutu 2017 Copa Match Play Comunidá Valenciana 2018 Big 12 Women's Championship, Campeonatu Européu de Golf Femenín Amateur
Fonte:
Apaiciones na seleición Xuegos Olímpicos de branu de la Mocedá (representando a España): 2014 Campeonatos Europeos de Golf Femenín por equipos (representando a España): 2015, 2016, 2017, 2018
Fonte:
Referencies
Enllaces esternos Biografía na web de los Iowa State Cyclones
Categoría:Golfistes d'España Categoría:Deportistes de Cantabria