Patricia Ignacia Briones Fernández ye una política ecuatoriana. Foi la primer muyer n'ocupar l'alcaldía de Portoviejo.
Trayeutoria Entró a la vida pública como reina de guapura de Portoviejo, gallardón que llogró en 1976. En 1978 foi nomada reina nacional del café.
Nes eleiciones llexislatives de 2002 foi escoyida diputada alterna del inxenieru Simón Bustamante pol Partíu Social Cristianu. Nes eleiciones de 2004 presentóse como candidata a l'alcaldía de Portoviejo pol mesmu partíu y resultó trunfadora col 31.71% de los votos, convirtiéndose na primer muyer en ser escoyida alcaldesa de la ciudá.
A principios de xunetu de 2005 lideró un paro xeneral d'actividaes pa esixir al gobiernu central ayuda pa delles obres en Portoviejo. La paralización duró 5 díes y convirtióse na más grande na historia de la provincia de Manabí, incluyendo más de 25 barricaes que torgaben l'ingresu a la ciudá. El paru terminó depués de que los ministros d'economía y salú, Rafael Correa y Wellington Sandoval, alcordaren cola alcaldesa la entrega de 62 millones de dólares pa obres hasta 2007.
Nes eleiciones llexislatives de 2013 intentó infructuosamente ser escoyida asambleísta en representación de la provincia de Manabí pol partíu Avanza.
Referencies
Enllaces esternos
Categoría:Políticos y polítiques d'Ecuador