Patricia Demick , conocida tamién como Patricia Falfan, ye una ex boxedora chilena, nacionalizada americana. Foi considerada la primer persona chilena en ganar un campeonatu mundial de boxéu, masculín o femenín, pero finalmente los xueces ratificaron al so rival como campeona.
Biografía Amás del boxéu hai incursionado nel modelaje, posando pa delles revistes y canales de televisión y foi considerada un símbolu sexual. Tien nacionalidá d'Estaos Xuníos en casándose col so entrenador que tien esa nacionalidá.
La so carrera profesional empezó en 1999 y en 2001 combatió pol títulu mundial metanes un discutiniu yá que fuera un empate y la francesa Valerie Henin retuvo'l so títulu. La so siguiente engarradiella foi más polémica entá, desafió a Karla Redo y foi declarada campeona dempués d'ocho rondes.
Demick fizo historia pal boxéu chilenu esa nueche, pero la so allegría solo duró un par d'hores, yá que s'afayó que los xueces erraren nos sos tableros, polo que n'última instancia, Demick terminó perdiendo la llucha.
El boxéu tien ciertes regles de protocolu. Nel boxéu de muyeres, cualesquier que celebrara un títulu mundial, nun importa por cuánto tiempu, tien que ser reconocíu como campeón del mundu. Ye por esa razón que Patricia ye considerada campeona del mundu, anque perdió na final.
Dempués de la disputa d'esi campeonatu ganó 2 de los trés engarres qu'apostó. Anguaño tien un récor de 8 victories, 4 derrotes, y un empate, con 5 victories K.O.
Referencies
Enllaces esternos Historial profesional, BoxRec
Categoría:Boxeadores d'Estaos Xuníos Categoría:Persones de Viña del Mar Categoría:Boxeadores de Chile