thumb|450px|Mapa políticu d'Uruguái. Uruguái ye un estáu xunitariu. Dixébrase en departamentos que tán gobernaos por un intendente municipal, escoyíu por sufraxu universal por una estada de cinco años. Los ediles de la Xunta Departamental actúen como poder llexislativu a nivel departamental.

Llista de departamentos Hai 19 departamentos:

Bandera Departamentu Capital Códigu ISO Área(qum²) Población(2011) Densidá(hab./qum²) 30px Artigas Artigas UY-AR 11.928 73 378 6,15 30px Canelones Canelones UY-CA 4.536 520 187 114,68 30px Cerro Largo Melo UY-CL 13.648 84 698 6,21 30px Colonia Colonia del Sacramento UY-CO 6.106 123 203 20,18 30px Durazno Durazno UY-DU 11.643 57 088 4,90 30px Flores Trinidad UY-FS 5.144 25 050 4,87 30px Florida Florida UY-FD 10 417 67 048 6,44 30px Lavalleja Minas UY-LA 10.016 58 815 5,87 30px Maldonado Maldonado UY-MA 4.793 164 300 34,28 30px Montevidéu Montevidéu UY-MO 530 1 319 108 2.489 30px Paysandú Paysandú UY-PA 13.922 113 124 8,13 30px Río Negro Fray Bentos UY-RN 9.282 54 765 5,90 30px Rivera Rivera UY-RV 9.370 103 493 11,04 30px Rocha Rocha UY-RO 10.551 68 088 6,45 30px Salto Salto UY-SA 14.163 124 878 8,82 30px San José San José de Mayo UY-SJ 4.992 108 309 21,70 30px Soriano Mercedes UY-SO 9.008 82 595 9,17 30px Tacuarembó Tacuarembó UY-TA 15.438 90 053 5,83 30px Trenta y Tres Trenta y Tres UY-TT 9.676 48 134 4,97

Gobiernu D'atroxu col artículu 262 de la Constitución de la República, en materia d'alministración departamental "el Gobiernu y Alministración de los Departamentos, con esceición de los servicios de seguridá pública, sedrán exercíos por una Xunta Departamental y un Intendente. Tedrán la so sede na capital de ca departamentu y aniciarán les sos funciones sesenta díes dempués de la so eleición."

Amás, "l'Intendente, con alcuerdu de la Xunta Departamental, podrá delegar nes autoridaes llariegues l'exerciciu de determinaos cometíos nes sos respeutives circuscripciones territoriales"(...).

"Los Gobiernos Departamentales podrán alcordar, ente só y col Poder Executivu asina como colos Entes Autónomos y los Servicios Descentralizaos, la organización y prestación de servicios y actividades propies o ermunes, tanti nos sos respetivos territorios como en forma rexonal o entedepartamental."

Organización L'artículu 263 caltién que: "Les Xuntes Departamentales encadarmaránse de trenta y un miembros". Éstos exercerán nos sos cargos por una estada de cinco años, lo mesmo que los Intendentes que podrán asinamesmo ser reellectos desixéndose la so renuncia tres meses enantes d'entamar la campaña política.

El cargu d'Intendente alcuéntrase suxetu a sufraxu universal per parte de quienes s'afayen empadronaos nos departamentos au se lleve a cabu la sp eleición.

Competencies departamentales Cumplir y facer cumplir la Constitución y les Lleis. Promulgar y espublizar los decretos sancionaos pola Xunta Departamental. Entamamientu de presupuestos cola debida aprobación de la Xunta Departamental. Aprobación d'impuestos, tases y contribuciones; Fitar los precios por emplegu o aprovechamientu de los bienes o servicios departamentales y homologar les tarifes de los servicios públicos a cargu de concesionarios o permisarios. Nomar a los emplegaos de la so dependencia, correxilos y suspendelos. Destituyilos en casu d'ineptitú, omisión o delitu, con autorización de la Xunta Departamental. Presentar proyeutos de decretos y resoluciones. Designar los bienes a espropiase por mor de necesidá o utilidá públiques. Designar miembros de les Xuntas Llocales. Velar pola salú pública y la istrcción primaria, secundaria, preparatoria, industrial y artística, proponiendo a les autoridaes competentes los medios afayadizos pa la so meyora.

Referencies

Enllaces esternos

vecinet -Uruguay- Comunicación alternativa independiente pa la participación y la organización popular (axencia de noticies, documentación y comunicación vecinal)

Categoría:Xeografía d'Uruguái