Patricia Kaas ye una cantante francesa que representó al so país nel Festival del Cantar d'Eurovisión en 2009 y foi candidata a Marianne (personificación de la República) en 2000.
Creció en Stiring-Wendel nuna familia de siete hermanos, de madre alemana y padre mineru francés. Cola ayuda de los sos padres, Patricia empieza a dar conciertos a la edá de 8 años. Cantaba los cantares de Sylvie Vartan, Claude François y Mireille Mathieu, y tamién cantares d'Estaos Xuníos como "New York, New York".
A los 13 años robla un contratu col cabaré alemán Rumpelkammer de Sarrebruck, onde va cantar toles nueches de sábadu mientres 7 años. En 1985 ye "descubierta" pol actor Gérard Depardieu, quien decide producir el primer cantar de Kaas, "Jalouse", que resulta un medianu fracasu.
Dos años dempués va atopase con Didier Barbelivien, que-y escribirá la cantar "Mademoiselle chante le blues", que se graba en 1988. A partir d'ende Patricia va vender millones de discos ente 1988 y 1999 gracies al so carisma, la so voz escepcional y los sos bonos compositores (en particular Jean-Jacques Goldman y Pascal Obispo).
En 1993 y 1994 realizó una gran xira pel mundu Tour de Charme de la cual editóse un CD. En 2002 partició xunto a Jeremy Irons nun filme de Claude Lelouch (And Now... Ladies and Gentlemen), la so primer esperiencia na gran pantalla y que la so banda sonora ta incluyida nel so álbum Piano Bar by Patricia Kaas, un homenaxe a la cantar francés.
Patricia foi la representante de Francia nel Festival del Cantar d'Eurovisión 2009 en Moscú col cantar "Et s'il fallait le faire". La gala del Festival celebró'l 16 de mayu d'aquel añu, día nel que Kaas nunca canta por ser n'aniversariu del fallecimientu de la so madre.
La so actuación foi una de les más ovacionadas de la nueche y quedó clasificada na 8ª posición de la Final del concursu con 107 puntos.
Álbumes 1988: Mademoiselle chante... 1990: Scène de vie 1991: Carnets de scène 1 1993: Je te dis vous 1995: Tour de charme 1 1997: Dans ma chair 1997: Black Coffee 1998: Rendez-vous 1 1999: Le mot de passe 1999: Christmas in Vienna VI (con Plácido Domingo y Alejandro Fernández). 2000: Long Box (los álbumes Scène de vie, Je te dis vous, Dans ma chair y Le mot de passe). 2000: Ce sera nous 1 2001: Les indispensables de Patricia Kaas 1 2001: Rien ne s'arrête/Best Of 1987–2001 2 2002: Piano Bar (album) 2003: Sexe fort 2005: Toute la musique... 1 2007: Ma liberté contre la tienne 2 2008: Kabaret 2009: Kabaret sur scène 1 2011: Kaas chante Piaf
1 Live álbumes 2 Compilaciones
Live DVD 1998: Rendez-vous 2000: Ce sera nous 2004: Carnets de scène 2004: Tour de charme 2005: Toute la musique…
Filmografía
Como actriz 2001: And now... Ladies and Gentlemen de Claude Lelouch 2012: Assassinée (telefilme) de Thierry Binisti
Referencies
Enllaces esternos
Categoría:Actores y actrices de Francia Categoría:Cantantes de Francia Categoría:Cantantes n'alemán Categoría:Cantantes en francés Categoría:Participantes n'Eurovisión 2009 Categoría:Representantes de Francia n'Eurovisión Categoría:Persones de Moselle