Monika Treut ye una direutora de cine, productora y escritora de llargumetraxes y documentales alemana abiertamente lesbiana.
Mientres la so carrera llogró 5 premios nos Festivales de cine LGTB de Turín (1991 y 1999), internacional de São Paulo (1999), de cine documental de Tesalónica (2002) y de cine de muyeres de San Diego (2007). En 2017 llogró un Premiu Especial Teddy en Festival de cine de Berlín pola so trayeutoria.
Biografía Mientres los sos estudios de filoloxía alemana y ciencies polítiques en Marburgu Treut empezó a trabayar nel campu del videu a mediaos de los años 70. Xunto a Elfi Mikesch fundó Hyena Filmproduktion y empezó a producir, escribir y dirixir películes independientes. En 1992, tres la salida de Mikesch de la productora, siguió Hyena Filmproduktion a soles n'Hamburgu.
Treut ye principalmente conocida por codirixir xunto a Elfi Mikesch, Seduction: The Cruel Woman (Seducción: La muyer cruel) una película alemana de 1985 basada na novela La venus de les pieles y na qu'esplora les práutiques sexuales sadomasoquistes.
Na siguiente década algamó relevancia internacional el documental Didn't Do It For Love (Nun lo fixi por amor) de 1997 que trata sobre l'actriz y tamién direutora Eva Norvind.
Dende 2001 Treut consagróse más al sector políticu y social. Les películes Warrior of Light (Guerrera de la Lluz) y Ghosted (2009) proveníen de les sos esperiencies con viaxes a Rio de Janeiro, Brasil y a Taiwán.
Les sos películes amosáronse en munchos festivales de cine en tol mundu y dedicáronse más de venti retrospectives al so trabayu. Coles mesmes Treut participó en dellos xuraos de festivales de cine y foi profesora en colexos americanos.
Filmografía 1983 - Bondage 1985 - Seduction: The Cruel Woman 1988 - Virgin Machine 1989 - Annie 1991 - My Father Is Coming 1992 - Max 1992 - Female Misbehavior 1992 - Dr. Paglia 1994 - Let's Talk About Sex / Erotique 1994 - Taboo Parlour 1998 - Didn't Do It For Love 1999 - Gendernauts 2001 - Warrior of Light 2003 - Encounter With Werner Schroeter 2004 - Jumpcut: A Travel Diary 2005 - Tigerwomen Grow Wings 2005 - Made In Taiwan 2009 - Ghosted 2012 - The Raw and the Cooked
2014 - Von Mädchen und Pferden 2016 - Zona Norte
Participación en xuraos internacionales 1990 - Canadian Film Award, International Film Festival Toronto 1996 - International Filmfestival "Feminale" Colonia, Alemaña 2001 - Manfred-Salzgeber-Award: International Film Festival Berlin
2001 - NDR-Jury, Nordisk Filmfestival, Luebeck, Alemaña 2002 - Feature Film Jury, Festival Internationale Cinema, Turín, Italia 2003 - Joris –Ivens-Award, International Documentary Film Festival Amsterdam (IDFA)
2003 - Golden Horse Film Festival, Taipei, Taiwán 2007 - Festival Internacional de Cine de Berlin
Bibliografía
Referencies
Enllaces esternos Hyena Films (n'alemán) Perfil de Facebook
Categoría:Direutores de cine d'Alemaña Categoría:Persones de Mönchengladbach