Monique Henderson ye una atleta d'Estaos Xuníos especialista na prueba de 400 metros llisos, que foi campeona olímpica de relevos 4x400 metros nos Xuegos d'Atenes 2004.
En 1999, con solu 16 años, proclamóse campeona nacional junior.
En 2000 consiguió una marca de 50,74 que suponía un récor nacional junior y de high school. Estos récores entá se caltienen vixentes. Esi añu tamién foi 8ª nes pruebes de clasificación pa los Xuegos Olímpicos de Sydney, celebraes en Sacramento.
En 2002 proclamóse campeona del mundu junior en Kingston, Xamaica, onde venció al so compatriota Sanya Richards.
Foi 5ª nes pruebes de clasificación pa los Xuegos Olímpicos d'Atenes 2004, celebraes en Sacramento, lo que nun-y dexó clasificase pa la prueba individual (onde solo van trés atletes per país), pero sí pa los relevos 4x400 m.
En Atenes l'equipu d'Estaos Xuníos que formaben por esti orde DeeDee Trotter, Monique Henderson, Sanya Richards y Monique Hennagan, ganó la medaya d'oru con 3:19,01 per delantre de Rusia y Xamaica.
En 2005 ganó'l títulu nacional universitariu, nel so últimu añu d'universidá. Más palantre foi 3ª nos Campeonatos Nacionales absolutos en Carson, Texas, con nuevu récor personal de 49'96.
Esi añu participó nos Mundiales de Helsinki, y foi 7ª na so prueba. Pela so parte l'equipu de relevos 4x400 m foi descalificáu nes series y nun apostó la final.
Acabó 2005 la 10ª del ranking mundial.
Estudió na Universidá de California (UCLA) onde se graduó en 2005. Ta entrenada pola ex atleta Jeanette Bolden.
Resultaos
1999
Campeona d'Estaos Xuníos en categoría junior
2000
8ª nos Olympic Trials de Sacramento (51.79)
2002
Campeona del Mundu junior de 400 m (51,10) y relevos 4x400 m (3:29,95) en Kingston 7ª nos Campeonatos Nacionales Universitarios
2003
Semifinalista nos Campeonatos Nacionales 7ª nos Campeonatos Nacionales Universitarios
2004
Campeona Olímpica de relevos 4x400 m n'Atenes (3:19,01) 5ª nos Olympicos Trials de Sacramento (50,75) 2ª nos Campeonatos Nacionales Universitarios
2005
7ª nos Campeonatos del Mundu de Ḥélsinki (51,77) 3ª nos Campeonatos Nacionales (49,96) Campeona Nacional Universitaria
2006
3ª nos Campeonatos Nacionales (50,71)
Marques personales
200 metros - 22,71 (2004) 400 metros - 49,96 (2005)
Referencies
Enllaces esternos www.usatf.com www.iaaf.org
Categoría:Medayistes olímpicos d'atletismu Categoría:Medayistes olímpicos d'Estaos Xuníos Categoría:Medayistes olímpicos d'oru Categoría:Medayistes olímpicos d'Atenes 2004 Categoría:Medayistes olímpicos de Beixín 2008 Categoría:Persones de San Diego