1869 (MDCCCLXIX) foi un añu normal entamáu en vienres nel calendariu gregorianu.
Fechos 15 de xineru - Celébrense n'España les primeres eleiciones, a diputaos de Cortes, con sufraxu universal masculín. 16 de xineru - Institúise, en Méxicu, l'estáu llibre y soberanu d'Hidalgo. 11 de febreru - Inicien les sos sesiones les Cortes Constituyentes que se formaron dempués del derrocamientu d'Isabel II. 4 de marzu - Ulysses S. Grant entama'l so mandatu como decimoctavu presidente de los Estaos Xuníos. 6 d'abril - Fúndase, en Nueva York, el Muséu Americanu d'Historia Natural. 10 de mayu - Acaba la construcción de la primer llinia férrea que cruza los Estaos Xuníos de costa a costa. La xuntura asocedió en Promontory (Utah). 2 de xunu - Apruébense les Ordenances Municipales de Villaviciosa. 15 de xunu - John Wesley Hyatt patenta n'Albany (Nueva York) el primer plásticu, al que noma Celluloid. 4 de xunetu - Fúndase la Universidá de Bucarest (Rumanía). 9 d'agostu - August Bebel y Wilhelm Liebknecht funden el Partíu Social Democráticu de los Trabayadores (SDAP) n'Alemaña. 31 d'agostu - La científica irlandesa Mary Ward muerre nun accidente de coche. Ye, quiciabes, la primer víctima d'esti tipu d'accidente na historia. 4 de payares - Asoléyase'l primer númberu de la revista científica Nature. 17 de payares - Inaugúrase, n'Exiptu, la Canal de Suez, que xune, colos sos 163 km de llargor, el mar Mediterraneu y el mar Roxu. 8 d'avientu - Entamen les sesiones del Conceyu Vaticanu I. 10 d'avientu - El parllamentu estatal de Wyoming (EE.XX.) da a les muyeres, per primer vegada na historia, el drechu a votar. 31 d'avientu - Les tropes de la Triple Alianza (Arxentina, Brasil y Uruguái) conquisten la ciudá d'Asunción (Paraguái). El parllamentu británicu decide nun unviar más presos a Australia. Entama'l reináu del rei (nizam) de Hyderabad Mahbub Ali Pasha, que dirixó'l reinu demientres 42 años. L'editor del New York Herald, James Gordon Bennet jr., píde-y a Henry Morton Stanley que vaiga a buscar a David Livingstone.
Nacencies 22 de xineru - Grigori Rasputín, místicu y cortesanu rusu († 1916). 14 de febreru - Charles Thomson Rees Wilson, físicu británicu, premiu Nobel de Física en 1927 († 1959). 26 de febreru - Nadezhda Konstantinovna Krupskaya, revolucionaria rusa y muyer de Lenin († 1939). 12 de marzu - George William Forbes, primer ministru de Nueva Zelanda y primer dirixente del Partíu Nacional de Nueva Zelanda (New Zealand National Party) († 1947). 15 de marzu - Stanisław Wojciechowski, presidente de Polonia († 1953). 18 de marzu - Neville Chamberlain, primer ministru del Reinu Xuníu († 1940). 22 de marzu - Emilio Aguinaldo, presidente de les Filipines († 1940). 15 d'abril - Concha Espina, escritora española. 27 d'abril - May Moss, activista australiana polos derechos de les muyeres († 1948). 27 de xunu - Hans Spemann, embriólogu alemán, premiu Nobel de Medicina en 1935 († 1941). 2 de xunetu - Hjalmar Söderberg, escritor y periodista suecu. 22 d'agostu - Augusto Tasso Fragoso, presidente del Brasil († 1945). 3 de setiembre - Fritz Pregl, químicu austriacu, premiu Nobel de Química en 1923 († 1930). 17 de setiembre - Christian Lange, historiador y pacifista noruegu, premiu Nobel de la Paz en 1921 († 1938). 2 d'ochobre - Mohandas Gandhi, políticu y pacifista indiu († 1948). 15 d'ochobre - Francisco Largo Caballero, políticu socialista español († 1946). 26 d'ochobre - Washington Luís Pereira de Sousa, presidente del Brasil († 1958). 11 de payares - Víctor Manuel III, rei d'Italia († 1947). 22 de payares - André Gide, escritor francés, premiu Nobel de Lliteratura en 1947 († 1951). 30 de payares - Nils Gustaf Dalén, físicu ya inxenieru suecu, premiu Nobel de Física en 1912 († 1937). 31 d'avientu - Henri Matisse, pintor francés († 1954).
Muertes 8 de marzu - Hector Berlioz, compositor francés (º 1803). 8 d'ochobre - Franklin Pierce, decimocuartu presidente de los Estaos Xuníos (º 1804).
Referencies
Enllaces esternos
Categoría:1869 Categoría:Sieglu XIX