Myra Gale Brown ye la prima segundahttps://www.perfil.com/noticias/espectaculos/jerry-lee-lewis-de-cura-a-casarse-con-su-prima-de-13-anos.phtml ya ex-esposa del cantante Jerry Lee Lewis.
Biografía Myra casóse'l 12 d'avientu de 1957, a la edá de 13, ente que Lewis entá taba casáu llegalmente cola so anterior esposa. La edá de Myra y la so rellación de sangre con Lewis causó una conmoción na so primer xira per Inglaterra y más tarde foi la causa del so fracasu na so carrera nel rock and roll.
Myra Gale yera fía de J.W. Brown, el primu de Jerry Lee, que foi tamién el baxista d'él. La pareya tuvo dos fíos, Steve Lewis Allen, que s'afogó tráxicamente a los trés años d'edá, y la fía Phoebe, qu'agora xestiona al cantante y vive nel so ranchu en Nesbit, Mississippi. Myra divorcióse de Jerry Lee'l 9 d'avientu de 1970, dempués de 13 años de matrimoniu.
Myra más tarde escribió, xunto con Murray Silver, una biografía de Lewis, Great Balls of Fire: The Uncensored Story of Jerry Lee Lewis. Esti llibru espublizóse n'ochobre de 1982 por William Morrow & Company. El llibru inspiró en 1989 la filmación de la película llamada Great Balls of fire!, onde Myra taba interpretada por Winona Ryder y Jerry Lee por Dennis Quaid. Myra ye anguaño un axente de bienes raíz cerca d'Atlanta, Georgia.
Referencies
Enllaces esternos
Categoría:Persones de Mississippi