Nadia Fink ye una periodista y escritora arxentina, dedicada a la lliteratura infantil.
Biografía Ye maestra xardinera. Estudió correición lliteraria. Trabaya en periodismu y edición. Vivió en Rosario, ente 1986 y 1990, antes de camudase definitivamente a Buenos Aires. Foi redactora de Sudestada y collabora col portal Cola Noticies y de la editorial El Coleutivu.
Publicaciones Ye la creadora de la Coleición Antiprincesas y Antihéroes de la Editorial Chirimbote. Al pie de Fink conformen la editorial Chirimbote el ilustrador Pitu Saa y el diseñador Martín Azcurra.
La Coleición Antiprincesas amuesa les lluches de les muyeres de toa América Llatina y ruempe col estereotipu de la muyer que la so guapura ta basada nel so aspeutu esternu.
A diferencia de les clásiques hestories infantiles, que son ficción, estes antiprincesas nun son de fantasía. Son dalgunes de les muyeres más destacaes de la cultura y la hestoria llatinoamericana como ser: Frida Kahlo, Violeta Parra, Juana Azurduy, Alfonsina Storni, Clarice Lispector."Son muyeres que nun se quedaron esperando qu'un príncipe les salve, sinón que camudaron les sos propies vides"La Coleición Antihéroes, representa a los héroes que perduren nel tiempu, porque enfrenten miles de situaciones pa salir airosos, pero tamién son homes que llucharon y ganaron toles batalles y sobresalieron dende lo masculino faciendo otres coses. Ente los personaxes atópense: Julio Cortázar, Eduardo Galeano, Che Guevara.
Fink, amás, compiló el llibru "#Nin una menos dende los primeros años. Educación en xéneros pa infancies más llibres" xunto a Cecilia Merchán, del Coleutivu Las Juanas. La publicación ye la reedición de "Xe. La igualdá y la diversidá de xéneru dende los primeros años" (publicáu por Las Juanas).
Referencies
Categoría:Profesores d'Arxentina Categoría:Escritores d'Arxentina Categoría:Periodistes d'Arxentina