Nagore Gabellanes Marieta ye una ex xugadora española de ḥoquei sobre yerba, que ganó la Medaya d'Oru nos Xuegos Olímpicos de Barcelona 1992.
Nagore empezó a xugar al ḥoquei nel equipu del so colexu, el Stu.Tomes Lizeoa de San Sebastián. Dende bien nuevu destacóse como una gran xugadora En 1990, cuando cuntaba inda 17 años d'edá y siendo xugadora del equipu xuvenil del so colexu, yá participó cola selección española absoluta nel Campeonatu Mundial de Ḥoquei sobre Yerba Femenín. En Sydney la selección española llogró un históricu quintu puestu.El Mundo Deportivo (17-7-1990): El "quintu" más sabrosu Con 19 años d'edá foi escoyida pa tomar parte nos XXOO de Barcelona, onde se proclamó sorpresivamente campeona olímpica. Cuatro años más tarde tomó parte nos Xuegos Olímpicos d'Atlanta 1996, nos que la selección española foi octava y postrera clasificada del tornéu olímpicu.
En 1991 fichó pol principal equipu de la so ciudá natal, la seición de ḥoquei sobre yerba femenín de la Real Sociedad de Fútbol, club col que permanecería xugando al máximu nivel hasta l'añu 2000.El Mundo Deportivo (20-10-2000): Atletiko y Real Sociedad, a xugar. Cola Real ganó mientres esos años 5 títulos de Lliga y 1 de Copa. Años más tarde siguiría xugando al ḥoquei nes files d'un club más modestu, el Kale Lagunak, lloñe de la élite d'esti deporte.
Ver tamién Medayistes españoles más nuevos nos Xuegos Olímpicos
Referencies
Enllaces esternos Ficha en sport reference Ficha en COE
Categoría:Xugadores de ḥoquei sobre yerba d'España Categoría:Real Sociedad de Fútbol Categoría:Medayistes olímpicos d'España Categoría:Medayistes olímpicos d'oru Categoría:Medayistes olímpicos de Barcelona 1992 Categoría:Deportistes del País Vascu Categoría:Persones de Donostia