Arne Wilhelm Kaurin Tiselius foi un bioquímicu suecu gallardoniáu col Premiu Nobel de Química nel añu 1948.
Biografía Nació'l 10 d'agostu de 1902 na ciudá d'Estocolmu. Dempués de la muerte del so padre treslladóse al llau de la so familia a Gotemburgu, onde ingresó na escuela, y dempués de la so graduación nel "Realgymnasium" en 1921 estudió química na Universidá d'Upsala. Darréu pasó a ser asistente d'investigación nel llaboratoriu de Theodor Svedberg en 1925 y doctoróse en 1930 sobre'l métodu de la fase móvil nel so estudiu d'electroforesis aplicada a proteínes, pa lo qu'utilizó un aparatu conocíu como tubu de Tiselius. A partir d'aquel añu empecipió la so xera docente na Universidá d'Upsala, onde foi nomáu catedráticu de química en 1938 y direutor del Institutu de Bioquímica en 1946.
Tiselius morrió'l 29 d'ochobre de 1971 na ciudá d'Upsala.
Investigación científica Empecipió la so investigación alredor de los procesos d'espardimientu y adsorción, que siguió mientres la visita d'un añu al llaboratoriu de Hugh Stott Taylor na Universidá de Princeton, cola ayuda d'una beca de la fundación Rockefeller, onde consiguió desenvolver el plasma sanguineu sintéticu. A la so torna a Upsala volvió a entamar el so interés nes proteínes, ya interesóse nel usu de métodos físicos nos problemes bioquímicos, lo cual conduciólu a desenvolver un métodu ameyoráu d'analís electroforético que foi ameyorando nos años posteriores.
En 1948 foi gallardoniáu col Premiu Nobel de Química polos sos trabayos sobre la naturaleza del plasma sanguineu.
Tiselius tomó parte activa na reorganización de la investigación científica en Suecia nos años posteriores a la Segunda Guerra Mundial, y foi presidente de la Unión Internacional de Química Pura y Aplicada ente 1951 y 1955, vicepresidente de la Fundación Nobel en 1947 y darréu presidente d'ésta en 1960.
Reconocencies N'honor so nomóse'l cráter Tiselius sobre la superficie de la Lluna.
Referencies
Enllaces esternos
Categoría:Persones d'Estocolmu Categoría:Premiu Nobel de Suecia Categoría:Bioquímicos y bioquímiques de Suecia Categoría:Medaya Franklin Categoría:Persones candidates al Premiu Nobel de Fisioloxía o Medicina Categoría:Premiu Nobel de Química Categoría:Miembros de la Royal Society