L'Acuariu de Xixón ta allugáu nel paséu de La Playa'l Nataoyo, nel cascu urbanu de Xixón, inauguróse poles autoridaes el 9 de xunu y abrió les sos puertes al públicu el 10 de xunu de 2006. Xestiónalu la empresa Coutant Aquariums.
Tien 2.000 m² d'esposición, nos que s'alcuentren 60 acuarios d'agua dulce y salada, un auditoriu pa eventos, un aula educativa d'unos 100 m², y una seición de recuperación de mamíferos y reptiles marinos. Dientro los 60 acuarios esisten unes 250 especies d'animales ente pexes, invertebraos, mamíferos, reptiles anfibios y páxaros. Tamién 8 tiburones d'ente 1,5 y 2 metros de llargura llegaos direutamente de Florida. En total, el númberu d'exemplares ta alredor de los 5000 individuos; sicasí, col pasu'l tiempu y la maduración de los sistemes esperen algamar los 7000-8000 exemplares.
Seiciones
L'equipamientu costa les siguientes seiciones temátiques: Ríos asturianos. Costa cantábrica. Atlánticu. Islles del Caribe. Cabu de Fornos. Pacíficu-Índicu. Mar Roxu. Madagascar. Cabu de Bona Esperanza. Atlánticu subtropical. Puertu asturianu.
Referencies
Enllaces esternos Web oficial Grupu Coutant
Categoría:Edificios de Xixón Categoría:Acuarios