Christos Antoniou Sartzetakis (; ) ye un xurista y políticu griegu, presidente del so país ente 1985 y 1990.
Recibió'l so títulu d'abogáu na Universidá Aristóteles de Tesalónica en 1954, exerció l'abogacía en Tesalónica hasta qu'en payares de 1955 foi nomáu Xuez de Paz. Un añu más tarde foi nomáu xuez de Corte de primera instancia.
Actuó como fiscal nel casu del asesinatu del parllamentariu d'izquierda Grigoris Lambrakis, (conocíu como'l "doctor de los probes") que fuera cometíu'l 22 de mayu de 1963, en Tesalónica por miembros d'estrema derecha. A pesar del intentu de sabotaxe de los sos superiores Sartzetakis prosiguió la investigación y tuvo ésitu na resolución del complexu casu, concluyendo que miembros de la policlía teníen rellación col asesinatu.
Depués del casu Lambrakis, realizó, con sofitu estatal, un posgráu sobre derechu comparáu na Facultá de Derechu y Ciencies Económiques de París. Darréu dempués del golpe d'Estáu dau por Georgios Papadopoulos el 21 d'abril de 1967 foi llamáu a tornar a Atenes pola xunta militar. El 29 de mayu de 1968 al igual qu'otros 29 maxistraos foi depuestu de les sos funciones llegales por un "Actu Constitucional" del réxime de facto. Foi arrestáu dos veces y puestu en prisión mientres más d'un añu, siendo xabazmente torturáu pola policía militar.
Foi lliberáu'l 19 de payares de 1971 por cuenta de la gran presión internacional (especialmente de Francia), ensin aportar a procesáu por un tribunal. En 1974, foi rehabilitáu dempués del derrumbe de la dictadura y de la restauración democrática en Grecia. Nos años siguientes foi presidente de la Corte d'Apelaciones y finalmente de la Suprema Corte de Xusticia en 1982. Publicó estudios sobre derechu y política, siendo reconcido con honores en dellos países.
El 9 de marzu de 1985 como integrante del PASOK foi escoyíu Presidente de Grecia pol paralmento por un periodu de 5 años. Cesó nel so cargu'l 4 de mayu de 1990.
Referencies
Enllaces esternos
Categoría:Políticos y polítiques de Grecia Categoría:Presidentes de Grecia