La Coleutividá de Wallis y Futuna (en francés: Territoire des îles Wallis-et-Futuna, nes llingües fakauvea y fakafutuna 'Uvea mo Futuna') ye un ensame de trés islles tropicales d'orixe volcánicu allugaes nel Océanu Pacíficu Sur, asitiaes ente Tuvalu al noroeste, Fixi al suroeste, Tonga al sureste, Samoa al este y Tokeláu al noreste. Alministrativamente ye, dende 2003, una Coleutividá d'ultramar francesa (collectivité d'outre-mer, or COM). Ente 1961 y 2003 tuvo l'estatus de territoriu francés d'ultramar, y pesie al cambiu d'estatus xurídicu el so nome oficial nun camudóLoi n° 61-814 du 29 juillet 1961 conférant aux îles Wallis et Futuna le statut de territoire d'outre-mer (Version consolidée au 11 décembre 2019), na web del gobiernu de la República Francesa..
Tien una estensión de 142,42 km², y una población, según el censu de 2018, de 11.558 habitantes. La so capital, y ciudá más grande, ye Mata-Utu. El territoriu abarca trés islles volcániques de clima tropical y un conxuntu d'isllotes, que conformen dos archipiélagos separtaos 260 km ún del otru: les islles Wallis (Uvea) al noreste y les islles Hoorn o Futuna, qu'abarquen la islla de Futuna y l'isllote Alofi, al suroeste.
Referencies
Enllaces esternos
Web oficial del Administrateur supérieur de Wallis-et-Futuna
Categoría:Francia d'Ultramar Categoría:Wallis y Futuna