Jean-Baptiste Bagaza Morrió'l ex-presidente de Burundi Jean-Baptiste Bagaza a los 69 años, en El Carabobeño. foi un políticu y militar burundianu.
Foi xefe del Conseyu Revolucionariu Supremu del país del 2 al 10 de payares de 1976 y presidente del país dende entós hasta'l 3 de setiembre de 1987. Coronel nel exércitu de Burundi, tomó'l poder tres les inestabilidaes del xenocidiu de Burundi con golpe ensin derramamiento de sangre en 1976. Anque Bagaza dirixó un réxime militar apoderáu polos tutsi, promovió la reforma agraria, la reforma eleutoral y la reconciliación nacional. Ye recordáu por haber modernizáu Burundi y mientres el so mandatu realizó la mayor construcción d'infraestructures de tola historia del país como carreteres, hospitales y escueles. En 1981 promulgóse una nueva Constitución. En 1984, Bagaza foi escoyíu xefe d'Estáu, como únicu candidatu. Tres la so eleición, el respetu polos Derechos Humanos deterioróse, yá que Primió delles actividaes relixoses y fixo detener a miembros de la oposición política.
Mientres s'atopaba viaxando nel estranxeru, Bagaza foi depuestu nel golpe d'estáu de Burundi de 1987. Foi reemplazáu pol presidente Pierre Buyoya y coló al exiliu n'Uganda. Darréu treslladóse a Libia, onde vivió hasta 1993.
Dende 1994, dirixó'l Partíu pa la Recuperación Nacional (PARENA). Ye senador vitaliciu nel senáu del so país como anterior xefe d'estáu.
Morrió'l 4 de mayu de 2016 a los 69 años, nun hospital de Bruxeles (Bélxica), onde recibía tratamientu médicu según informó'l gobiernu de Burundi."POST TRANSITION SENATORS' LIST", Burundian Senate website (en francés)."The Senate composition", Burundian Senate website (en francés).
Referencies
Categoría:Tutsis Categoría:Militares de Burundi Categoría:Políticos y polítiques de Burundi Categoría:Presidentes de Burundi