Nicolas Grunitzky foi'l segundu Presidente de Togu y el so tercer xefe d'estáu, exerciendo la presidencia ente 1963 y 1967, siendo derrocáu antes de terminar el so mandatu constitucional. Enantes, fuera Primer ministru del país mientres el periodu colonial. Tres el golpe de 1963, que mató al so rival políticu nacionalista Sylvanus Olympio, Grunitzky foi escoyíu pol comité militar de los golpistes a ser el segundu presidente de Togu, siendo ratificáu nel cargu nunes eleiciones ensin oposición.Nohlen, D, Krennerich, M & Thibaut, B (1999) Elections in Africa: A data handbook, p903 ISBN 0-19-829645-2
Mientres el so mandatu, intentó entamar un sistema multipartidista pero al empar unificar los distintos partíos políticos nun gobiernu d'unidá nacional. Foi, sicasí, depuestu tres díes antes de terminar el so mandatu constitucional, en xineru de 1967.
Grunitzky nació en 1913, cuando Togu yera una colonia del Imperiu alemán. El so padre yera alemán con ascendencia polaca y la so madre yera de la realeza yoruba. Estudió inxeniería civil na ESTP en París y foi un alministrador públicu antes de salir pa formar la so propia compañía. Foi'l secretariu xeneral del Partíu del Progresu de Togu y foi escoyíu na Asamblea Representativa de Togu en 1951. Ocupó'l cargu de Primer ministru del país cuando yera una República autónoma dientro de la Xunión Francesa.
Referencies
Bibliografía Nicolas GRUNITZKY (1913 - 1969) Base de données des députés français depuis 1789 assemblee-nationale.fr (Biography at French National Assembly) Bridgette Kasuka. Prominent African Leaders Since Independence. Bankole Kamara Taylor (2012) ISBN 9781470043582 Frédéric Joël Aivo. Le président de la république en Afrique noire francophone: genèse, mutations et avenir de la fonction. L'Harmattan (2007) ISBN 9782296023987 GAYIBOR Nicoué. Histoire des Togolais. Des origines aux années 1960 (Tome 4 : Le refus de l'ordre colonial). KARTHALA Editions (2011) ISBN 9782811133429
Categoría:Primeros ministros de Togu Categoría:Presidentes de Togu Categoría:Políticos y polítiques de Togu