Franck Sylvain foi un abogáu y políticu haitianu, efímeru presidente d'Haití en 1957. Biografía Antes de la so carrera política, recibió la so llicenciatura en derechu y trabayó como abogáu. En 1934, foi'l fundador del periódicu anticomunista "La Croisade". Tamién foi unu de los fundadores de la "Agrupación pal Pueblu Haitianu", un partíu clandestín. Mientres el réxime de Paul E. Magloire ente 1950 y 1956 foi xuez y ganó una bona reputación.
El 7 de febreru de 1957, foi nomáu pol Parllamentu como socesor de Joseph Nemours Pierre-Louis, presidente interín d'Haití. Sylvain foi presidente por solu 56 díes, depués de ser depuestu pol xeneral Leon Cantave.
Dempués de la so presidencia, escribió les sos memories, titulaes Los 56 díes de Franck Sylvain. Morrió en Puertu Príncipe el 3 de xineru de 1987. Referencies
Categoría:Abogaos y abogaes d'Haití Categoría:Presidentes d'Haití