Hérard Abraham foi un militar y políticu haitianu.
Biografía Abraham apuntóse al exércitu d'Haití cuando yera mozu. Aportó a rangu de teniente xeneral y convirtióse nún de los pocos miembros del exércitu pertenecientes al círculu íntimu del presidente Jean-Claude Duvalier. Abraham sofitó, sicasí, el golpe d'Estáu de 1986 contra Duvalier, y desempeñóse como ministru d'Asuntos Esteriores del so socesor Henri Namphy dende 1987 hasta 1988."REPORT ON THE SITUATION OF HUMAN RIGHTS IN HAITI", Inter-American Commission on Human Rights Convirtióse en presidente interín d'Haití el 10 de marzu de 1990 dempués de protestes caleyeres qu'obligaron al presidente Prosper Avril al exiliu. Arrenunció al poder trés díes depués, convirtiéndose nel únicu líder militar n'Haití del sieglu XX n'arrenunciar al poder voluntariamente.Haiti A New Start, A Ray Of Hope , Revista TIME, 26 de marzu de 1990 En xineru de 1991, na so calidá de Comandante en Xefe de les Fuercies Armaes, Abraham ayudó a detener un intentu de golpe d'estáu contra la presidenta provisional Ertha Pascal-Trouillot.
En 1991, Abraham retiróse del exércitu y coló a los Estaos Xuníos. Instalóse en Miami (Florida) y retiróse de la vida pública. Vivía cerca d'otru ex-políticu haitianu, Gérard Latortue, quien más tarde se convertiría en Primer Ministru d'Haití. En febreru de 2004, Abraham fixo un discursu per radio dende Florida pidiendo l'arrenunciu del presidente Jean-Bertrand Aristide.
Dempués del exiliu forzáu d'Aristide del país, precisábase formar un nuevu gobiernu. Latortue finalmente foi escoyíu pal cargu de primer ministru so la presidencia interina de Boniface Alexandre, y convidó a Abraham a tornar a Haití y convertise en ministru del Interior. Abraham aceptó y desempeñó el cargu dende marzu de 2004 hasta'l 31 de xineru de 2005,New Haiti Cabinet Takes Office As Showdown, SanDiego.com. 17 de marzu de 2004 cuando se convirtió en ministru de Rellaciones Esteriores. Ocupó esi puestu hasta'l 9 de xunu de 2006.
Morrió por mor d'un tumor cerebral el 24 d'agostu de 2022 a los 82 años d'edá.
Referencies
Enllaces esternos
Categoría:Presidentes d'Haití Categoría:Militares d'Haití Categoría:Persones de Puertu Príncipe