Guadalupe Sabio Buzo ye una científica y profesora española, direutora d'un grupu d'investigación nel Centru Nacional d'Investigaciones Cardiovasculares (CNIC) del Institutu Carlos III de Madrid.
Llicenciada en Veterinaria pola Universidá d'Estremadura con Premiu Estraordinariu, en 2005 consiguió'l Doctoráu Européu del Medical Reserch Council. Foi aceptada nel grupu de Roger Davis, nel Institutu Médicu Howard Hughes de la Universidá de Massachusetts pola so investigación sobre les proteínes quinasas del estrés. Foi reconocida por Fundación L'Oreal-Unesco pol so estudiu sobre la obesidá y la so rellación col cáncer hepáticu y la diabetes y recibió el Premiu Príncipe de Girona en Ciencia y Academia. Pol so llabor a favor de los derechos de la muyer foi-y otorgáu'l premiu Estrella de la Comunidá de Madrid. Foi investigadora nel Centru Nacional de Bioteunoloxía del CSIC.
La so llinia principal d'investigación ye'l papel de les quinasas activaes pol estrés nel desenvolvimientu d'enfermedaes acomuñaes a la obesidá como enfermedaes cardiovasculares, diabetes y el cáncer hepáticu.Tien trés fíos, dos d'ellos mellizos.
Referencies
Enllaces esternos Guadalupe Sabiu Laboratory
Categoría:Científicos y científiques d'España Categoría:Persones de la provincia de Badajoz