Ibtesam Saeed Badhrees ye una investigadora esperimental de física de partícules saudín en King Abdulaziz City for Science and Technology (KACST) y una Distinguished Fellow del New Westminster College.
Foi la primera y na actualidá única muyer saudín del CERN. Amás ye la única muyer saudina con un PhD que trabaya nel Centru Nacional de Matemátiques y Física nel King Abdulaziz City for Science and Technology. Les sos árees d'investigación son física de partícules, astrofísica, física médica y física nuclear. Badhrees tamién trabaya como profesora axunta na Universidá de Carleton en Ottawa, Canadá.
Biografía Ibtesam Badhrees nació en Jeddah, Arabia Saudita. Graduóse en física na Universidá Rey Abdulaziz en 1990 y llogró una maestría en física aplicada/laser na Universidá Fairleigh Dickinson en 1997. Completó'l so PhD en física de partícules na Universidá de Berna en 2011. Tamién llogró un PhD en rellaciones internacionales de la Escuela de Diplomacia y Rellaciones Internacionales de Xinebra. Recibió'l premiu a la excelencia académica Misión Cultural Saudina en 1996, 1997, 2007 y foi nomada "Física del Mes" n'agostu de 2014 pola American Physical Society.
Referencies
Enllaces esternos
Categoría:Físicos y físiques d'Arabia Saudita Categoría:Persones de Yeda