Mary Jane Rathbun foi una zoóloga d'Estaos Xuníos especializada en crustáceos. Trabayó nel Institutu Smithsonianu dende 1884 hasta la so muerte. Describió más de mil nueves especies, subespecies y taxones.
Biografía Rathbun nació'l 11 de xunu de 1860, en Buffalo, Nueva York, y foi la más nueva de cinco hermanos, fíos de Charles Rathbun y Jane Furey. La so madre morrió cuándo namái tenía un añu. Allegó a la escuela en Buffalo y graduóse en 1878, pero nunca asistió a la universidá.
Vio'l océanu per primer vegada en 1881 cuando acompañó al so hermanu Richard a Woods Hole en Massachusetts. Él trabayaba como ayudante científicu d'Addison Emery Verrill, que de la mesma yera ayudante de xefe del carcinólogo Sidney Irving Smith. Rathbun ayudó a etiquetar, clasificar y documentar los especímenes, y trabayó con crustáceos dende entós. Mientres trés años, trabayó como voluntaria pal so hermanu, antes de llograr la secretaría de Spencer Fullerton Baird nel Insituto Smithsonianu. Siguió trabayando nel muséu, davezu ensin ayuda, y dempués de 28 años, foi xubida a asistente de curaduría al cargu de la División de Crustáceos. En 1915, dempués de la so xubilación, l'Institutu Smithsonianu nomó a Rathbun "Investigadora Asociada Honoraria", y en 1916 la Universidá de Pittsburgh concedió-y un títulu honoríficu de Master. En 1917 foi cualificada pa un Ph.D. na Universidá George Washington.
Morrió en Washington D.C. el 14 d'abril de 1943, a los 82 años, por cuenta de los entueyos acomuñaos a una cadera rota.
Publicaciones miniaturadeimagen|Rathbun en 1927 Rathbun publicó en 1891 la so primer obra escrita xunto con James Everard Benedict sobre'l xéneru Panopeus. El so trabayu más importante foi (Los cámbaros d'agua duce), orixinalmente pensada como una publicación simple, pero que finalmente ocupó tres volúmenes ente 1904 y 1906. Escribió 166 artículos de manera individual o coleutiva, incluyendo descripciones de 1147 nueves especies y subespecies, 63 nuevos xéneros, una subfamilia, 3 families y una superfamilia, según delles nueves nomenclatures. El primer taxón descritu por Rathbun incluyó importantes especies comerciales como'l cámbaru azul del Atlánticu Callinectes sapidus, y el cámbaru, Chinoecetes bairdi.
Taxones Dellos taxones fueron nomaos n'honor de Mary J. Rathbun:
Referencies
Enllaces esternos Mary Jane Rathbun Papers, 1886-1938 and undated del Archivu del Institutu Smithsonianu.
Categoría:Carcinólogos d'Estaos Xuníos Categoría:Científicos y científiques d'Estaos Xuníos Categoría:Zoólogos y zoólogues con abreviatura d'autor