Sele M. Auñón-Chancellor ye una médica, inxeniera, y astronauta de la NASA.

Biografía Sele estudió inxeniería llétrica na Universidá George Washington en Washington DC. A la metá de la so carrera d'inxeniería, tomó la decisión d'estudiar medicina na Universidá de Texas Medical Branch, en Galveston, Texas, qu'ufiertaba un programa de residencia combinada en Medicina Interna y Medicina Aeroespacial.

Graduóse como inxeniera llétrica nel añu 1997. Llogró'l doctoráu en Medicina pola Universidá de Texas nel añu 2001.https://web.archive.org/web/20110720190013/http://www.asma.org/journal/html_news/ward-aunon.php

Foi escoyida na NASA d'ente 3500 persones qu'aspiraben a ser astronautes.

Familia

Fía del doctor Jorge Auñón, un exiliáu cubanu que llegó a los Estaos Xuníos en 1960. La so madre ye Margarita Auñón. Ta casada col físicu Jeff Chancellor, y tien una fiyasca llamada Serafina Chancellor.

NASA Auñón foi contratada pola NASA como ciruxana de vuelu, y pasó más de nueve meses en Rusia, en sofitu a les operaciones médiques de la Estación Espacial Internacional. Na actualidá ye la ciruxana axuntu de la tripulación STS-127 y la Espedición 22. Amás, sirve como direutor adxuntu pa la nave espacial Orion.

Auñón foi escoyida como candidata a astronauta en xunu de 2009 y terminó'l so programa d'entrenamientu en 2011. En xunu de 2012 contribuyó a una prueba col sumergible NOAA NEEMO 16 de la NASA, misión d'esploración so l'agua, fuera de Key Largo, Florida.http://www.bis.gov.uk/ukspaceagency/news-and-events/2012/Jun/image-of-the-week-aquanaut-to-astronaut

Gallardones Foi gallardoniada en 2009 col Premiu Julián Y. Ward Memorial de l'Asociación Médica Aeroespacial poles sos contribuciones a los vuelos espaciales d'atención clínica a miembros de la tripulación.

Referencies

Enllaces esternos Biografía d'astronauta: Sele M. Aunon (09/2009)

Cinco cuesas que nun sabíes sobre l'astronauta Sele Auñón-Chancellor NASA Johnson Space Center YouTube Channel, 5 de xunu de 2018

Categoría:Médicos y médiques d'Estaos Xuníos Categoría:Astronautes d'Estaos Xuníos Categoría:Inxenieros lletricistes d'Estaos Xuníos