Adriana Urbina (Caraques, Venezuela) ye una chef y consultora gastronómica venezolana. Foi la ganadora del primer llugar del Food network´s Competition Chopped y fundó'l restorán Tepuy allugáu na ciudá de Nueva York.
Trayeutoria Adriana Urbina empezó la so carrera a la temprana edá de 12 años cuando remata los sos estudios culinarios en L'Ecole de Cuisine Alain Ducasse en Francia y darréu al tornar a la so ciudá natal, Caraques, ingresó al Institutu Culinariu de Caraques, fundáu polos chefs Sumito Estévez y Héctor Romero.
Depués de trabayar en dellos restoranes venezolanos, toma'l so primer emplegu "internacional" como aprendiz nel restorán Martín Berasategui con trés Estrelles Michelín allugáu n'España; tamién trabayó en restoranes como'l Mugaritz (España), l'Atenes (Nueva York) con dos Estrelles Michelín y el Rougue Tomate (Nueva York y Bruxeles) con una Estrella Michelín. Mas apocayá resulta ganadora del Food network´s Competition "Chopped" llogrando'l primer llugar y un premiu de $10.000 .
Fundó'l so restorán Tepuy na ciudá de Nueva York, onde mora anguaño. Empecipia col innovador estilu pop-up, un conceutu aplicáu a tiendes y restoranes onde l'espaciu dexa de ser fixu pa convertise n'itinerante y temporal. L'establecimientu recibió la reconocencia como "Meyor llugar venezolanu pa comer en Nueva York" nel añu 2015 pol Eater New York Times; “Al traviés d'eso, la xente de Food Network atopóme pal reality” comenta Urbina nuna entrevista pa Analítica. La esencia de los sos platos son los ingredientes básicos na comida venezolana, yá que tien como aspiración llevar les sos conocencies a Venezuela, “El mio suañu doráu ye faer lo más que pueda equí y depués dime a Venezuela. Llevar tolos mios aprendizaxes p'allá” asina comenta Urbina nunes de les sos entrevistes.
Depués de ganar el concursu fai contribuyente de les organizaciones Comparte por una Vida, que s'encarga de recoyer insumos y fondos pa llegar a la mayor cantidá d'hospitales, cases llares y escueles en Venezuela que nun cunten cola posibilidá d'alimentar a los neños qu'ellí s'atopen, y Aición Humanitaria per Venezuela, que s'encarga de garantizar comida y medicines pa neños.
Referencies
Categoría:Cocineros de Venezuela Categoría:Persones de Caraques Categoría:Wikipedia:Mantenimientu:Persones ensin plantía nym