L'Astur Club de Fútbol ye un club de fútbol asturianu, de la ciudá d'Uviéu. Foi fundáu en 1923 y milita na . El campu onde xuega los partíos como llocal ye l'Estadiu Hermanos Llana, con capacidá p'aprosimao unos 800 espectadores. Esti estadiu ta asitiáu a escasos metros del estadiu del Real Uviéu, el Carlos Tartiere.
Historia L'Astur Club de Fútbol, club con sede na ciudá d'Uviéu, fundóse en 1923 nel barriu de Fonte de la Plata. El primer presidente del club foi Maximino Alonso, teniendo como escenariu p'apostar los sos primeros alcuentros el campu El Espín, asitiáu na Fonte de la Plata. Desapaecíu dende la Guerra Civil, foi refundado en 1949 sobre la base del equipu uvieín Real Cardín, entós en Segunda Rexonal.
En 2003, nuna operación promovida pol conceyu d'Uviéu, l'Astur camudó'l so nome a Uviéu Astur Club de Fútbol, el so uniforme a camiseta azul y pantalón blancu, y modificó el so escudu con un diseñu bien paecíu al del Real Uviéu. L'oxetivu yera'l de suplantalo como equipu más representativu de la ciudá, entós somorguiáu nuna grave crisis financiera ya institucional, xenerando gran discutiniu non yá ente los socios del Astur, sinón tamién ente los del Real Uviéu, quien s'estremaron ente los que sofitaben la refundación del club a partir del Astur y los que queríen reflotar el club orixinal. El proyeutu fracasó debíu al mayor sofitu social que finalmente consiguió'l Real Uviéu y, nel añu 2007, l'Astur decidió volver a la so denominación social, uniforme y escudu tradicionales. Federativamente, el club siguió calteniendo la so antigüedá.
La so meyor clasificación histórica foi'l subcampeonatu del Grupu II de la Tercer División d'España na temporada 2003/04, que-y dexó apostar por primer y única vegada la promoción d'ascensu a Segunda División B.
Uniforme Uniforme titular: camiseta colorada con detalles n'azul escuro, pantalón azul y medies coloraes. Uniforme alternativu: dafechu mariella.
Estadiu
L'Astur Club de Fútbol apuesta los sos alcuentros como llocal nel Estadiu Hermanos Llana. Na etapa del Uviéu Astur Club de Fútbol apostó los sos partíos na so primer temporada nel estadiu de San Llázaro, instalación municipal con capacidá envalorada en 2 500 espectadores.
Datos del club Temporaes en 1ª: 0 Temporaes en 2ª: 0 Temporaes en 2ª B: 0 Temporaes en 3ª: 17
Trayeutoria TemporadaCategoríaPuestu1949–91Rexonal1991/923ᵉʳ División16º1992/933ᵉʳ División15º1993/943ᵉʳ División19º1994/95Rexonal Preferente8º1995/96Rexonal Preferente5º1996/973ᵉʳ División20º1997/98Rexonal Preferente5º1998/99Rexonal Preferente2º1999/003ᵉʳ División6º2000/013ᵉʳ División5º2001/023ᵉʳ División13º2002/033ᵉʳ División8º2003/043ᵉʳ División2º2004/053ᵉʳ División9º2005/063ᵉʳ División6ºTemporadaCategoríaPuestu2006/073ᵉʳ División14º2007/083ᵉʳ División15º2008/093ᵉʳ División17º2009/103ᵉʳ División20º2010/11Rexonal Preferente19º2011/121ª Rexonal1º2012/13Rexonal Preferente4º2013/14Rexonal Preferente3º2014/153ᵉʳ División13º2015/163ᵉʳ División19º2016/17Rexonal Preferente13º2017/18Rexonal Preferente7º2018/19Rexonal Preferente
Palmarés Torneos nacionales Subcampeón de Tercer División (1): 2003/04.
Referencies
Enllaces esternos
Categoría:Equipos de fútbol d'Asturies Categoría:Equipos de fútbol fundaos en 1923 Categoría:Deporte n'Uviéu Categoría:Primer Asturfútbol