El Club Rítmica Galaica ye un club deportivu de ximnasia rítmica de la ciudá española de Xixón. Compite en diverses categoríes nos niveles iniciación, escolar, base y federáu. Tien la so sede nel Pabellón de Deportes Mata-Jove.
Historia El Club Rítmica Galaica foi fundáu en Xixón nel añu 1989, pasando pocu dempués a entrenar nel Pabellón de Deportes Mata-Jove del barriu de La Calzada. La ximnasta más destacada na so hestoria ye Raquel Rodríguez, tres veces campeona d'España individual y una en conxuntos, quien entrena al club na actualidá nos niveles base y federáu.
Na temporada 2016, el club entrenáu por Raquel Rodríguez y Sheila Resurreiçao, llogró hasta ochobre 148 podios (79 oros, 36 plates y 33 bronces) en diverses competiciones, incluyendo un bronce na categoría pre-redrueyu por Esther Mañana nel Campeonatu Nacional Base de Xixón, 4 campeones d'Asturies base y 3 equipos campeones d'Asturies.
Los llogros del Rítmica Galaica siguieron na temporada 2017. Nel Campeonatu d'España Individual de Valencia, Paula Blanco foi oru sénior en pelota, ente que Paula Díaz foi bronce na xeneral sénior, plata en maces y bronce en cinta, llogrando asina l'ascensu a primer categoría. Na Copa d'España Base d'Alicante, Raquel Cueto consiguió ser campeona xuvenil. Pa 2018, nel Campeonatu Nacional Base de Guadalaxara, la ximnasta del club Naiara Bouzas foi plata en categoría benjamín.
Palmarés Raquel Rodríguez: Campeona d'España nel concursu xeneral en categoría alevina (2003) ya infantil (2004 y 2005), y en conxuntos (2004). Campeona d'Asturies en distintes categoríes de 2003 a 2009, ente otres numberoses medayes.
Ver tamién Ximnasia rítmica Deporte n'Asturies
Referencies
Enllaces esternos
Categoría:Clubes de ximnasia d'España Categoría:Clubes deportivos d'Asturies Categoría:Deporte en Xixón