Eduardo Gota Losada foi un xurista español, primer presidente del Tribunal Superior de Xusticia d'Asturies,.
Biografía D'orixe aragonés, la so familia treslladóse a vivir a Asturies en 1942 onde'l so padre foi destináu como funcionariu de l'alministración del Estáu. Ellí Gota Losada formóse y llicenció en Derechu na universidá uvieína en 1952, onde tuvo ente los sos profesores a Torcuato Fernández-Miranda. Llogró ventidós matrícules d'honor con Premiu Estraordinariu Fin de Carrera. Coló dempués a Madrid onde ingresó na Escuela Xudicial (1957), aportando a la judicatura dos años más tarde como xuez de primera Instancia ya Instrucción na llocalidá alavesa de Laguardia. Dempués d'otros dos destinos, Tinéu y Puigcerdá, aportó como maxistráu a la sala de lo Contencioso Alministrativu de l'Audiencia Territorial d'Uviéu. Establecíu definitivamente n'Asturies, dende 1966 foi profesor de Derechu alministrativu na Universidá d'Uviéu, presidió l'Audiencia Territorial (1970) y, tres l'aprobación del Estatutu d'Autonomía d'Asturies en 1983 y la creación del Tribunal Superior de Xusticia de dicha comunidá autónoma, foi'l so primer presidente dende 1989 hasta la so xubilación en 2000. Foi miembru de la Real Academia Asturiana de Xurisprudencia.
Referencies
Enllaces esternos
Categoría:Profesores de la Universidá d'Uviéu Categoría:Alumnáu de la Universidá d'Uviéu Categoría:Xueces d'España Categoría:Xuristes d'España Categoría:Persones de Teruel