La ilesia parroquial de Santa María de Sabada ta asitiada en Llastres, nel conceyu asturianu de Colunga.
Ye un edificiu d'una sola nave y cúpula sobre cruceros y dos capielles llaterales con bóveda d'aresta. Tien dos pórtico llaterales. La torre ye de base cuadra, calada por trés arcos de mediu puntu, sobre'l pisu entemediu'l cuerpu del campanariu onde hai un altu tambor de planta octogonal con cuatro balcones en voladizu que remata en cúpula de piedra.
El templu tien un estilu elegante con amiestu del neoclásicu y barrocu. El so retablu mayor ye neoclásicu con cai central y con columnes xóniques y frontón.
Referencies
Enllaces esternos
Santa Maria Sabada Ilesia de Santa Maria de Sabada
Categoría:Bienes d'interés cultural d'Asturies