Lara Alcázar Miranda o tamién namái Lara Alcázar ye una fotógrafa y activista feminista española, líder del grupu Femen n'España dende mayu de 2013.
Trayeutoria Cursó los estudios de Historia del Arte na Universidá d'Uviéu. Considérase feminista dende los 16 años d'edá y participó n'otros movimientos feministes y estudiantiles, como'l PCA (Partíu Comunista d'Asturies), la UHP (Unión d'Historiadores Progresistes), CSOA La Madreña, y Milenta Muyeres y Moces. thumb|Intervención de Lara Alcázar na Escuela feminista Rosario Acuña 2016 de Xixón dirixida por Amelia Valcárcel |esquierda Decidió xunise a Femen -esplicó en delles entrevistes- por sentir que'l trabayu de grupu representaba lo qu'ella deseyaba faer como activista.
Pa Alcázar Miranda, les muyeres tienen munches árees poles cualos lluchar, como'l empoderamiento económicu, la igualdá de sueldu y el fin de la violencia de xéneru, ente munchos otros. Estableció contautu con Inna Shevchenko, de Femen International, pa manifesta-y el so interés de crear la caña española del grupu, dempués de participar nel sofitu al casu d'Amina Tyler, una activista d'orixe tunecín que foi secuestrada pola so propia familia, dempués de qu'ella publicara nuna rede social una semeya na que s'amosaba semidesnuda, con un llibru y un pitu.
Ye considerada la cara de Femen, anque la formación de la caña española del grupu llevar a cabu xunto a Indira, una activista animalista orixinaria d'Alxecires, en Cádiz qu'anguaño nun forma parte del grupu.
Alcázar Miranda afirma tener el sofitu de la so familia pal so activismu dientro de Femen y considera que les protestes col pechu desnudu nun representen motivu de vergüenza o pudor
Periodicamente FEMEN España entama xornaes de bienvenida, entrenamientu y formación a nueves activistes.
Protestes miniaturadeimagen|Inna Shevchenko, la representante de Femen en París, a quien Alcázar Miranda contautó pa empecipiar les actividaes del grupu n'España. La primer protesta de Femen so la direición de Alcázar Miranda foi en xunu de 2013, un mes dempués de la conformanza del grupu. Foi una manifestación a favor de les activistes de Femen procesaes en Tunicia a la mesma hora en que'l procesu empecipiaba. Na manifestación participaron les hasta entós primeres trés integrantes del grupu, anque ente elles nun s'atopaba la segunda fundadora del movimientu n'España.
El 9 d'ochobre de 2013, Alcázar Miranda y otros dos activistes internacionales (Inna Shevchenko y Pauline Hillier) protagonizaron l'aición más sonada de Femen n'España, al entrar al Congresu de los Diputaos y protestar contra la reforma de la llei del albuertu del Ministru de Xusticia Alberto Ruíz Gallardón al berru d'Albuertu ye sagráu.
Otres aiciones de resonancia mediática d'Alcázar son el llanzamientu de bragues ensangrecíes de fluxu menstrual a Monseñor Rouco Varela, l'enfrentamientu a la manifestación de los Pro-vida contra l'albuertu o la pintada sobre la cruz del campusantu de Paracuellos del Jarama contra la celebración del 20N
Alcázar Miranda llevó a cabu protestes n'otros países europeos, como Suecia o Francia.
En xunetu de 2015, Lara Alcázar aterrizaba Rabat col fin de realizar una protesta en Marruecos polos derechos LGTBI. Sicasí, esti viaxe supúnxo-y ser interceptada polos servicios policiales marroquinos coles mires de torgar la protesta. Permaneció por más de seis hores retenida en siendo entrugada ya investigada por policías secretos que nin si quiera llegaron a amosar los sos credenciales. Alcázar afirma nun allegar a la policía o la Embaxada p'asegurar que l'aición pudiera realizase igualmente por otres compañeru estranxeres, que finalmente lo llograron esi mesma fin de selmana.
Al tornar a España, el gobiernu marroquín afirmó que Lara Alcázar entraría al país con dos pasaportes distintos. Dende Femen España, Alcázar enfatiza qu'en Marruecos "nun ye daqué escepcional el bloquéu de la llibertá d'espresión y de manifestación". Amás, aliega qu'esti tipu de situaciones normalizáronse -nengún viandante allegó na so ayuda cuando -y "secuestraron"- y enfatiza que "lo que se ta viviendo en Marruecos ye una dictadura. Nun respeten los derechos fundamentales".
Otres actividaes Alcázar Miranda tamién ye fotógrafa y les sos obres les firma como Lara A. Miranda. Amosó'l so trabayu n'esposiciones individuales y coleutives en Xixón, Lleón, Madrid y Uviéu. Trabayó y publicó como fotógrafa en periódicos como La Vanguardia y el Diari Llabra.
Asina mesmu, Lara Alcázar ye firma habitual na web Tribuna Feminista , publica dacuando nel so propiu blogue nel Huffington Post , y na revista crítica asturiana, El Soma .
Participó na redaición y publicación de dos de los títulos de FEMEN, "Manifiestu FEMEN" y "Rebelión".
Referencies
Enllaces esternos
Nun soi naif - Blogue oficial de Lara Alcázar Lara Alcázar Miranda - Blogue oficial de Lara Alcázar Lara Nëwell Фемен - Perfil oficial en Twitter Lara Femen Alcz | Facebook - Perfil en Facebook
Categoría:Persones de Samartín del Rei Aurelio Categoría:Feministes d'Asturies Categoría:Fotógrafos y fotógrafes d'Asturies Categoría:Fotógrafos y fotógrafes d'España Categoría:Alumnáu de la Universidá d'Uviéu