Les sableres de Les Imeas y Los Cantones son diverses cales consecutives de forma curva con un llargor caúna d'unos 25 m y un anchor medio alredor de los diez m que tán asitiaes nel occidente del Principáu d'Asturies , nel conceyu de Valdés que pertenecen a la villa de Bustu.
Descripción Tien una peligrosidá media y la so redolada ye totalmente virxe pudiéndose aportar a ella per dellos caminos piatonales d'un llargor inferior a un km. El so llechu ye d'arenes tostaes grueses y cantos rodaos y una ocupación bien baxa.
P'aportar a estes cales hai qu'abandonar la n-634 en direición a Queirúas y llegar a la llocalidá de Bustu siguiendo la carretera ensin coyer nenguna esviación pa llegar a un llugar que tien una llinia d'árboles los cualos dixebren los praos d'un camín de tierra. Nesti momentu hai que dexar el coche pa siguir a cuerpu per una pista que se dirixe al este de la Sablera de Cueva. Daqué más alantre hai un camín descendente pol cual vamos llegar a los dos cales. Tomando la zona riberana del ríu Esla atópase una zona conocida como «La pocha».
Como actividaes encamentaes, solo tien de faese, y con prudencia, la pesca recreativa a caña. Aconséyase que pa percorrer el camín hasta los cantiles de la sablera y aportar a ella se vaya provistu de pantalón llargu y duru pa evitar les pinchaes de les numberosos espinos y toxos que tán casi cerrando'l camín.
Referencies
Sablera de Les Imeas y Los Cantones Categoría:Espacios naturales d'Asturies
Categoría:Wikipedia:Correxir/Revisar títulu