La sablera de Torbas ye una sablera del conceyu d'El Franco, na zona occidental d'Asturies. Ta asitiada al este del cabu Blanco», nel pueblu de Valdepares. Pertenez a la Mariña Occidental d'Asturies y magar nun tar incluyida na franxa qu'abarca'l Paisaxe Protexíu de la Mariña Occidental d'Asturies, presenta dos tipos de proteición medioambiental, yá que ta catalogada como ZEPAy LIC. http://sig.magrama.gob.es/93/ClienteWS/Guia-Playas/Default.aspx?nombre=PLAYA_WEB&claves=DGC.PLAYAS.PLY_CO_PLAYA&valores=432 Descripción La so configuración ye la d'una ensenada y el sable tien un llargor d'unos 100 a 110 metros y un anchor medio de 30 a 35 metros, de color escuru y granu de tamañu mediu. Al tener la forma d'ensenada, lo normal ye que les sos agües sían seles la mayor parte del añu. Ye una sablera bien pocu allegada y nun tien serviciu de socorrismu nin nengún otru. La so redolada tien un grau d'urbanización baxu y de tipu rural.
La sablera tien una desaguada fluvial y la pesca submarina y la recreativa son les actividaes más encamentaes. Debíu al gran númberu de piedres qu'hai, nun ye recomendable dir con neños.
Accesos Hai dos accesos a la Sablera de Torbas. Dambos accesos son piatonales y de un km aproximadamente.
Primer accesu Ta indicáu na carretera xeneral N-634. Siguiendo la indicación llegar a un castiellu qu'hai qu'arrodiar y apuértase a una pista que s'encrucia más palantre; tien de tomase'l camín de la esquierda siguiendo col vehículu hasta onde prudentemente ye posible. Dende ellí vase andando unos 500 m hasta la sablera.
Segundu accesu Parte dende'l cartelu señalizador de Valdepares. Dempués de coyer esta esviación llegar hasta una fábrica de muebles y na primer curva qu'hai escontra la esquierda tiense que siguir de frente hasta llegar a un torrexón medieval. Nesti puntu sigue'l camín que se dirixe escontra'l cabu Blanco» y dende ellí a la sablera ye fácil llegar pos ta a la vista.
Referencies
Torbas Torbas Categoría:Espacios naturales d'Asturies
Categoría:Wikipedia:Correxir/Revisar títulu