La sablera de La Coba atópase nel conceyu asturianu de Cuaña y pertenez a la llocalidá de Villallocái. La sablera ye realmente un pedreru con forma de concha, tien un llargor d'unos 100-110 metros y un anchor medio d'unos 8 metros. La so redolada ye rural y con un baxu grau d'urbanización. Los sables son grises de granu mediu y tien bien poca asistencia. Los accesos son piatonales ya inferiores a un km y de bon percorríu y ta cerca de la llocalidá de Lloza.
P'aportar a la sablera, que nun tien señalización dalguna, hai que faer lo mesmo que pa dir a la sablera de Pedrellada, esto ye, hai que partir dende Villallocái y dende la so zona este repárase nun monte bien tupiu. A la so derecha vense dellos grupos d'árboles esvalixaos. Escontra estos, diríxese una pista y a la fin hai que tomar un camín paralelu a la mariña xirando a la derecha. A la fin atópase la ensenada d'esta sablera. L'actividá encamentada ye la pesca deportiva y la submarina. Nun dispón de nengún tipu de servicios. Anque'l camín d'accesu suel atopase enllenu de vexetación, ye una sablera bien afecha pa tola familia.
Referencies
La Coba (Asturies) Categoría:Espacios naturales d'Asturies