Apolinar de Rato y Hevia d'Argüelles foi un abogáu y escritor asturianu, bisgüelu de Rodrigo Rato.
Biografía Estudió'l bachilleratu na Facultá de Filosofía de la Universidá d'Uviéu. Dempués, estudiu Derechu en dicha Universidá y na de Madrid. Exerció n'Uviéu como abogáu, hasta qu'en 1858 foi designáu fiscal de Baracoa, Cuba, capitán de voluntarios y asesor de la Marina de Guerra. En 1859 foi treslladáu a Bejucal, y depués a L'Habana como fiscal primeru de la Capitanía. Mientres un semestre foi auditor de guerra en Santu Domingu. En L'Habana foi abogáu mientres catorce años, llogrando prestíu, y foi secretariu del Bancu de Comerciu y teniente d'alcalde de la ciudá. Perteneció a la comisión que redactó la Llei Hipotecaria pa Cuba y Puertu Ricu. Retornó a España en 1880, siendo nomáu auditor de la Capitanía Xeneral d'Aragón. Al dexar los asuntos militares, esforcióse n'ameyorar el rindimientu de l'agricultura asturiana y collaboró en publicaciones especializaes. Escribió tamién nel Boletín de la Sociedá Xeográfica. Encetó nos sos escritos los problemes económicu-alministrativos de les Antilles. Asistió al Congresu de Xeografía Colonial, en Madrid, 1884. Foi unu de los fundadores del Centru Asturianu de Madrid. Na so vieyera, escribió dures crítiques contra'l marxismu en distintos folletos.
Per otra parte, solicitó a la Real Academia Española la introducción de pallabres asturianes nel diccionariu oficial.
Obres Vocabulario de las palabras y frases bables que se hablaron antiguamente y de las que hoy se hablan en el Principado de Asturias Noticias sobre el concejo de Carreño
Distinciones Encamienta de la Orde Americana d'Isabel la Católica
Referencies
Enllaces esternos Apolinar de Rato en L'Ayalga d'Uviéu
Categoría:Persones de Xixón Categoría:Escritores d'Asturies Categoría:Abogaos y abogaes d'Asturies