Emiliano Fernández Prado ye un escritor y políticu español.
Biografía Na so mocedá estudió nel Institutu Xovellanos (Xixón). Llicenciáu en Filoloxía Española, nes especialidaes de Llingua Española (1978) y Lliteratura Española (1979) pola Universidá d'Uviéu. Profesor d'Enseñanza Media (dende 1980), impartía clases nel IES Calderón de la Barca, de Xixón hasta l'añu 2016.
Nel añu 1975 ingresó nel Partíu Socialista Español y foi escoyíu vocal de la Comisión Executiva Federal nel XIII Congresu de les Mocedaes Socialistes d'España (1977), cargu qu'ocupó mientres un curtiu periodu (1977-1978).
Foi Direutor Xeneral de Cultura de la Comunidá Autónoma del Principáu d'Asturies (1984-1988) y Diputáu de la Xunta Xeneral del Principáu d'Asturies na III Llexislatura (1991-1995), desempeñando'l cargu de Secretariu del Grupu Parllamentariu del PSOE.
Especializáu na reflexón teórica sobre la intervención del Estáu na cultura, ye autor de la obra "La política cultural. Qué ye y para qué sirvi" (Trea, Xixón, 1991).
Coeditor, con Nieves Trabanco de "Hyle. Ser suañu n'España" de Raoul Hausmann.
Foi editor lliterariu de la obra poética de Basilio Fernández López (Premiu Nacional de Poesía, 1992) dende la so primer edición ("Poemes 1927-1987") hasta la recién apaición de la so "Poesía completa".
Obres lliteraries Un ideal estrañu, LLibros del Pexe, Xixón, 1994 Escenes de la guerra contra Sertorio, Trea, Xixón, 2000 Almes non del tou despiertes, Ed. del autor, Xixón, 2003 Cuando pase esti escurecimientu, Edición del autor, Xixón, 2006 En clase, Edición del autor, Xixón, 2008 Purificación, Edición del autor, Xixón, 2012
Traducciones Historia y poderes de lo escrito de Henri-Jean Martin, Trea, Xixón, 1999
Referencies
Bibliografía Gran Enciclopedia Asturiana. Apéndiz 1981-1982 (1995), p. 1
Categoría:Persones de Xixón Categoría:Escritores d'Asturies Categoría:Escritores en castellanu Categoría:Políticos y polítiques de la Federación Socialista Asturiana-PSOE Categoría:Diputaos y diputaes de la Xunta Xeneral del Principáu d'Asturies