Heliodoro Crespo , conocíu como Crespo, ye un ex-futbolista y entrenador de fútbol español. Anguaño, ye'l coordinador de los equipos de fútbol del Colexu de la Inmaculada de Xixón.
Trayeutoria Crespo xugó nos equipos de fútbol base del Colexu de la Inmaculada, onde ganó un campeonatu d'España en categoría infantil en 1967. El tornéu celebró la so fase final nel estadiu de Castalia, en Castellón de la Plana, y la Inmaculada aportó a ella en quedando campeón d'Asturies y ganar al Real Racing Club de Santander nel campeonatu del sector norte. Yá na fase final, vencieron al Ural Club de Fútbol de La Coruña, al C. A. Osasuna y al Real Madrid C. F., antes d'apostar la final frente al F. C. Barcelona, na que salieron victoriosos de la tanda de penaltis n'acabando la prórroga con un marcador de 0-0.
En 1970, pasó del Inmaculada al filial del Sporting, el Club Deportivo Xixón. La temporada siguiente xuega nel U. P. Llangréu, pa fichar pol Hércules C. F. na campaña 1972-73. Na temporada 1973-74 consiguió l'ascensu a Primer División col conxuntu alicantín. Apostó la temporada 1974-75 nel Club Deportivo Villena, cedíu pol Hércules. Terminó la so trayeutoria como futbolista nel Real Avilés C. F.
Bibliografía Boletín informativu AAA nº1. Avientu 2009, añu I. Asociación d'Antiguos Alumnos del Colexu de la Inmaculada de Xixón
Referencies
Enllaces esternos
Categoría:Persones de Caravia Categoría:Futbolistes d'Asturies Categoría:Futbolistes del Real Sporting de Xixón "B" Categoría:Futbolistes del Unión Popular de Langreo Categoría:Futbolistes del Real Avilés Club de Fútbol