Isidoro de Hoyos y Rubín de Celis foi un militar y políticu español.
Biografía Fíu de Bernabé Alonso de Hoyos, Teniente Coronel d'Infantería y Caballero Maestrante de la Real. Cuando cursaba'l so tercer añu de Filosofía n'Uviéu, producióse la invasión de les tropes napoleóniques. Participó como voluntariu na guerra de la independencia, a les órdenes del xeneral Ballesteros, mientres la invasión francesa. De condición lliberal, sofitó'l reestablecimientu de la Constitución gaditana al regresu de Fernando VII y el gobiernu progresista de 1820.
La reacción absolutista de 1823 enfrentó-y al exércitu de los Cien Mil Fíos de San Lluis, siendo fechu prisioneru por un curtiu periodu. Cola muerte de Fernando VII asitióse xunto cola rexente, María Cristina de Borbón frente al pretendiente al tronu don Carlos en sofitu de la futura reina Sabela II, combatiendo nel bandu cristino mientres la guerra carlista llegando al grau de xeneral y recibiendo el títulu de vizconde de la Manzanera.
En 1843, mientres la rexencia de Baldomero Espartero, foi escoyíu senador por AsturiesSenáu d'España: Espediente personal. y nomáu Ministru de la Guerra, cargu qu'abandonó cola llegada de los moderaos y la cayida del rexente. Sicasí, afilióse más tarde a la Unión Lliberal creada por Leopoldo O'Donnell y adquirió la condición de senador vitaliciu en 1858. Participó na represión de la sulevación de Villarejo de Salvanes, méritu pol cual concedióse-y el títulu de marqués de Hoyos. El títulu de marqués de Zornoza foi concedíu por Sabela II el 14 de setiembre de 1857
Bibliografía VV.AA. Diccionariu d'Historia d'España. Alianza Editorial. Madrid, 1979.
Referencies
Enllaces esternos
Categoría:Persones de Ribedeva Categoría:Militares d'Asturies Categoría:Xenerales d'España Categoría:Marqueses d'España Categoría:Políticos y polítiques del Partíu Progresista Categoría:Ministros y ministres d'España Categoría:Ministros y ministres de la Guerra d'España Categoría:Directores xenerales de la Guardia Civil Categoría:Senadores d'España Categoría:Guardias civiles