Jesús Ayer Manrique ye un xeólogu y escritor español. Ye caderalgu de Xeodinámica Interna de la Universidá d'Uviéu dende 2010 y desenvolvió la so investigación principalmente sobre la xeoloxía del macizu varisco del noroeste de la península Ibérica y sobre l'analís cinemáticu de los procesos de plegamientu por aciu modelización matemática. La so actividá lliteraria ye esencialmente poética, anque inclúi tamién un llibru de viaxes per Asia. Con ecos dadaístes nos sos empiezos, la so obra evoluciona dempués escontra un estilu más personal nel que combina testos poéticos en versu y en prosa notablemente influyíos pol budismu. La so producción toma los siguientes títulos.
Páxaru sobre'l mar, Xixón 1980. Segunda edición, Xixón 1988. Non serviam, Uviéu 1987. Teoría del centru, Uviéu 1990. Asia, alma y llaberintu, Llibros del pexe, Xixón 2002. Recuerda, Llibros del pexe, Xixón 2004. Subhuti, Llibros del pexe, Xixón 2006. Los dioses y los homes, KRK, Uviéu 2012.
Referencies
Enllaces esternos Páxina personal de Jesús Ayer
Categoría:Persones de Xixón Categoría:Escritores d'Asturies Categoría:Xeólogos y xeólogues d'Asturies