Marcelo García Martínez ye un escritor asturianu que s'asitia a sigo mesmu na llamada lliteratura gonza, carauterizada por tomar como puntu de partida l'anécdota, la vivencia o la esperiencia personal pero esaxerando, deformándola o deconstruyéndola ad infinitum.
Biografía Marcelo García nació nel barriu uvieín de Teatinos, estudió Filoloxía Hispánica na Universidá d'Uviéu y máster n'Edición pol IPECC (Institutu de posgráu d'Estudios Culturales y de Comunicación) y la Universidá d'Alcalá. Anguaño ye profesor de Llingua y Lliteratura na Comunidá de Cantabria.
Con dellos premios nel so haber, escribió yá una serie de noveles que la confirmen como un narrador de voz personal y mirada abierta. Siempres escribe de temes actuales dende una estética lliteraria posmoderna y critica l'escesu de consumismu y que la sociedá moderna anteponga la imaxe a tolo demás.
Escribe sobre lliteratura en Paisaxes Llétricos Magacín y nel so propiu blogue.
Escribió tamién guiones televisivos pa diversos programes de les cadenes locales asturianes y collaboró con Televisión Española na retresmisión de los Premiu Princesa d'Asturies.
Premios y reconocencies 2008 - Premiu Hontanar de narrativa curtia, Finalista con mención especial por El efecto mariposa en los tiempos del Wolframio 2008 - Premiu Lletres de Novela Curtia, Finalista VI edición por El culto 2009 - Premiu "Lletres" de Novela Curtia por Instrucciones psicóticas para no seguir en épocas de crisis 2013 - Premiu Asturies Nuevu de Narrativa por Reconstruyendo la partida 2015 - Premiu Vuela La Cometa por Cartas de amor después del ecocidio
Obra
Novela El efecto mariposa en los tiempos del Wolframio (2009, ediciones Hontanar) El culto (2009, Septem) Instrucciones psicóticas para no seguir en épocas de crisis (2009, Septem) Alta suciedad (2011, Online Studio Productions) Publicación dixital que puede adquirise al traviés de la AppStore Dorian Gray 2.0 (2014, Lletres Apócrifes) Reconstruyendo la partida (2014, Trabe) Cartas de amor después del ecocidio (2016, Arola Editors)
Referencies
Enllaces esternos
Sobre llocos y villanos Aszine. Marcelo García
Categoría:Escritores d'Uviéu Categoría:Escritores en castellanu Categoría:Alumnáu de la Universidá d'Uviéu