Vingarne («Les ales») ye una película muda sueca de 1916 dirixida por Mauritz Stiller, más conocíu pola so película Herr Arnes pengar (L'ayalga de Arne)Títulu español según FilmAffinity de 1921 y por ser el descubridor de Greta Garbo.
La película ta basada na novela Mikaël de 1902, escrita por Herman Bang, que tamién foi emplegada por Carl Theodor Dreyer pa la so película Michael de 1924. L'argumentu rellata la historia d'una intrigante condesa (interpretada por Lili Bech) que s'asitia ente un escultor homosexual, Claude Zoret (Egil Eide), y el so modelu y amante bisexual, Mikaël (Lars Hanson), llevando finalmente a la muerte de Zoret nuna fiera nube a los pies de la estatua de Mikaël, faciendo referencia al mitu d'Ícaro.
Ye la primer película de temática LGBT de la historia,European Film en glbtq: An Encyclopedia of Gay, Lesbian, Bisexual, Transgender, and Queer Culture (n'inglés) y destaca pola so innovadora, na dómina, forma de cuntar histories dientro d'otra y d'emplegar l'usu de flashback pa cuntar l'argumentu.
La película ta perdida na so mayor parte, sobreviviendo namái media hora del orixinal de 70 minutos. En 1987 restauróse la película usando imáxenes sueltes que se caltuvieren y títulos cuntando la historia pa rellenar les partes perdíes.
Referencies
Enllaces esternos
Vingarne (Wings, The) en Gay.com (n'inglés)
Categoría:Películes con temática LGBT Categoría:Historia LGBT Categoría:Películes mudes de Suecia