thumb|300px|Reconstrucción de la ecúmene basada na descripción de Heródoto (sieglu V e.C. ), con África arrodiada de mar. La circunnavegación fenicia d'África ye'l rellatu exipciu de dichu viaxe, recoyíu pol historiador griegu Heródoto.
Nun se dispón de documentación de la dómina que respuenda por la historicidad d'esti viaxe, pero l'ausencia de datos contemporáneos nun implica que nun asocediera. Curiosamente, los datos qu'apurre Heródoto como posiblemente inciertos, son los que pudieren dar veradicidad al rellatu: «La posición del Sol a la derecha cuando esti yera contempláu dende l'hemisferiu austral».
El rellatu de Heródoto right|thumb|140px|Estatua de Necao (I o II) nel Muséu Brooklyn de Nueva York.
Según Heródoto (nacíu en 484 e.C. ), una espedición fenicia auspiciada pol faraón Necao II (proclamáu rei en 610 e.C. ) circunnavegó el continente africanu per primer vegada. El faraón quería buscar un pasu escontra occidente dende'l mar Roxu. En fracasando nel intentu de construyir una canal que xuniera'l mar Roxu col Mediterraneu al traviés del Nilu, decidió buscar un pasu escontra occidente pel sur. Cuenta Heródoto que delles naves fenicies circunnavegaron el continente africanu, denomináu entós Libia, nuna espedición penosa qu'efectuó dos llargues paraes pa consiguir provisiones, y que tardó trés años en llegar a les columnes d'Hércules (estrechu de Xibraltar).
La realidá d'esta fazaña foi cuestionada mientres enforma tiempu, pero curiosamente lo que paecía más estrañu nuna dómina en que munchos concebíen un continente africanu muncho menos estendíu escontra'l sur, ye lo que dio finalmente credibilidá al rellatu: Na obra de Heródoto trescríbese'l testimoniu de que los marineros fenicios, tres rolar al oeste (cabu de Bona Esperanza) víen el Sol de mediudía a la derecha, esto ye, al norte, y esto solo podía entendese a partir de les esploraciones portugueses del sieglu XV, que demostraron que l'estremu meridional d'África ta al sur del trópicu de Capricorniu.
Ye posible que la espedición nun pudiera completar el periplu per mar más allá del cabu Bojador pola persistencia de los vientos alisios contrarios al so aldu, pero tamién lu ye que pudieren completar la espedición per tierra, siguiendo rutes comerciales fenicies al traviés del África noroccidental, hasta dalguna de les sos colonies nel norte d'África y dende ellí embarcar de nuevu hasta Exiptu.
Ver tamién Periplu de Hannón
Referencies
Bibliografía
La esploración d'África nos testos exipcios. De sahure a Neco II, en egiptomania.com. Antigües espediciones africanes: rellatos sobre la espedición de Necao II Pierrotti, Nelson (2007): La esploración d'África nos testos exipcios: de Sahure a Neco II Heródoto: Hestories 4, 42 y comentariu (n'inglés)
Enllaces esternos
Categoría:Periplos Categoría:Esploración d'África Categoría:Fenicia Categoría:Historia del Antiguu Exiptu Categoría:Historia de la navegación fenicia d'África Categoría:Arqueoloxía fenicio-púnica Categoría:Lliteratura de Grecia Categoría:Llibros del sieglu V e.C. Categoría:Wikipedia:Páxines con enllaces interllingüísticos