<DIV align="justify"> La piedra d'Ezana ye un oxetu del antiguu reinu d'Aksum. Ye un monumentu de piedra que documenta la conversión del rei Ezana al cristianismu y el sometimientu de dellos pueblos vecinos ente los que taben los Meroe. Anguaño caltiénse in situ nel parque del rei Ezana, un espaciu públicu nel centru d'Aksum, n'Etiopía.
thumb|left|200px|Monedes acuñaes cola efixe d'Ezana.
El rei Ezana gobernó ente'l 330 d.C. y el 356 d. C. l'antiguu reinu aksumita del Cuernu d'África. Ezana lluchó escontra los nubios y grabó les sos victories en piedra en ge'ez (l'antiguu llinguaxe etíope), sabéu (árabe del sur) y griegu p'allabar a Dios poles sos victories. Los grabaos en piedra apurren un monumentu trillingüe en distintes llingües, de manera asemeyada a la piedra de Rosetta.
La Ilesia Ortodoxa Etíope o Tawahedo tuvo los sos entamos mientres esta dómina. La Hestoria Ecelesiástica de Rufino de Aquilea narra que San Frumenciu, esclavu y tutor del nuevu rei, convirtióse al cristianismu. Escontra'l final del so reináu, en redol al añu 350, el rei Ezana llanzó una campaña escontra los kushites qu'acabó col Reinu de Kush; delles inscripciones en piedra escrites en ge'ez (y con escritura ge'ez) foron atopaes en Meroe, la ciudá principal y central de los Kushites.
Ver tamién Cercu d'Ezana
Referencies
Enllaces esternos
Artículu de National Geographic (n'inglés) Harden, J. M., "An introduction to Ethiopic Christian Literature" (1926) Capítulo II, "Brief Historical Sketch of the Country and Church", contién un discutiniu sobre la inscripción (n'inglés)
Categoría:Cercos Categoría:Inscripciones Categoría:Testos multillingües Categoría:Patrimoniu de la Humanidá n'Etiopía Categoría:Escultures Categoría:Reinu d'Aksum Categoría:Piedres Categoría:Escultura n'Etiopía